ନୂଆଦିଲ୍ଲୀ : ସୋସିଆଲ ମିଡିଆରେ ଅନେକ ସମୟରେ ଜୀବଜନ୍ତୁଙ୍କ ଭିଡିଓ ଭାଇରାଲ୍ ହୋଇଥାଏ । ଯାହା ବେଶ ମନଛୁଆଁ ହୋଇଥିବା ସହ ଆଶ୍ଚର୍ଯ୍ୟଚକିତ ମଧ୍ୟ କରିଥାଏ । ଭିଡିଓରେ ଦେଖାଯାଏ, ଜଙ୍ଗଲୀ ଜନ୍ତୁ ହେଲେ ମଧ୍ୟ ମାଆ ନିଜ ଛୁଆ ଜୀବନ ରକ୍ଷା କରିବାକୁ ଶକ୍ତିଶାଳୀ ଜନ୍ତୁ ସହ ଲଢେଇ କରିଥାଏ । ନିକଟରେ ଏଭଳି ହିଁ ଏକ ଭିଡିଓ ଦ୍ରୁତ ଗତିରେ ଭାଇରାଲ୍ ହେଉଛି, ଯାହା ସଭିଁଙ୍କ ଧ୍ୟାନକୁ ଆକର୍ଷିତ କରୁଛି ।
ଭିଡିଓରେ ଦେଖିପାରିବେ, ଗୋଟିଏ ସିଂହୀ ନିଜ ଶାବକଙ୍କ ସହ ଏକ ମଇଁଷି ଛୁଆର ଶିକାର କରିବାକୁ ଚେଷ୍ଟା କରୁଛି । ସେହି ସମୟରେ ଏକ ସିଂହ ମଧ୍ୟ ମଇଁଷି ଛୁଆ ଉପରେ ଆକ୍ରମଣ କରୁଛି । କିଛି କ୍ଷଣ ପାଇଁ ଜଣାପଡ଼ିଲା ସିଂହର ଶିକାର ସଫଳ ହୋଇଗଲା । ମାତ୍ର ତା’ପରେ ଯାହା ଦେଖାଗଲା ସହଜରେ ବିଶ୍ୱାସ କରି ହେବ ନାହିଁ । ମଇଁଷି ନିଜ ଛୁଆର ଜୀବନ ରକ୍ଷା କରିବାକୁ ଦୌଡି ଆସୁଛି । ଛୁଆ ଉପରେ ଆକ୍ରମଣ କରୁଥିବା ସିଂହକୁ ସେଠାରୁ ହଟାଇ ଦେଉଛି । ଅନ୍ୟ ସିଂହମାନେ ମଧ୍ୟ ସେଠାକୁ ଆସି ମଇଁଷି ଛୁଆ ଉପରେ ଆକ୍ରମଣ କରିବାକୁ ଚେଷ୍ଟା କରୁଛନ୍ତି । ମଇଁଷିଟି ହାର୍ ନ ମାନି ଲଢେଇ ଜାରି ରଖିଛି । ସେହି ସମୟରେ ମଇଁଷି ଦଳ ଆସି ସିଂହମାନଙ୍କ ଉପରେ ଆକ୍ରମଣ କରୁଛନ୍ତି । ସିଂହ ସେଠାରୁ ପଳାଉଛନ୍ତି । ମଇଁଷି ଛୁଆର ଜୀବନ ବଞ୍ଚି ଯାଉଛି । ଏହି ଭିଡିଓକୁ ୬୧ ମିଲିୟନରୁ ଅଧିକ ଥର ଦେଖାଯାଇ ସାରିଛି। ଭିଡିଓକୁ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଉଛନ୍ତି।
‘ହେ ଭଗବାନ ଆମକୁ ରକ୍ଷା କର’; ଦେଖନ୍ତୁ ପହଲଗାମ୍ ଆକ୍ରମଣ ସମୟର ଆଉ ଏକ ଛାତିଥରା ଭିଡିଓ
ଅକ୍ଷୟ ତୃତୀୟାରେ ଶନି-ଗୁରୁ ଚଳନ: ଏହି ରାଶିଙ୍କୁ କରିବେ ଧନୀ, ମିଳିବ ଚାକିରି,ବଢିବ ଦରମା..
