ନୂଆଦିଲ୍ଲୀ : କାଓ୍ବାସାକି ଇଣ୍ଡିଆ ନିଜ ମୋଟରସାଇକେଲ ରେଞ୍ଜରେ ରିହାତି ଅଫର କରୁଛି । ଏହି ସୁବିଧା କମ୍ପାନୀର ଲାଟେଷ୍ଟ ବାଇକ୍ ନିଞ୍ଜା ୩୦୦ ଉପରେ ମଧ୍ୟ ଲାଗୁ ହେଉଛି । ଏଥିରେ କମ୍ପାନୀ ୨୫ ହଜାର ଟଙ୍କାର ରିହାତି ଦେଉଛି । ରିହାତି କୁପନ ବାଇକର ଏକ୍ସ-ଶୋରୁମ୍ ଦାମରେ ଉପରେ ଲାଗୁ ହେଉଛି ଯାହା କି ୩.୪୩ ଲକ୍ଷ ଟଙ୍କା । ରିହାତି ପରେ ଏହି ମୋଟରସାଇକେଲର ଏକ୍ସ-ଶୋରୁମ୍ ଦାମ୍ ୩.୧୮ ଲକ୍ଷ ଟଙ୍କା ହୋଇଯାଇଛି । ଏହି ଅଫର ମେ ମାସ ଶେଷ ପର୍ଯ୍ୟନ୍ତ ଲାଗୁ ହେବ ।
କାଓ୍ବାସାକି ନିଞ୍ଜା ୩୦୦ ଭାରତୀୟ ବଜାରରେ ଦଶବର୍ଷରୁ ଅଧିକ ସମୟ ଧରି ରହିଛି । ଏହାର ଷ୍ଟାଇଲିଂ, ଫିଚର୍ ଏବଂ ମେକାନିକାଲ୍ ଚେଞ୍ଜେସ୍ କରାଯାଇନି । କିନ୍ତୁ ଏହି ମଡେଲ ଏବେ ପୁରୁଣା ହେବାରେ ଲାଗିଛି । ଗ୍ରାହକଙ୍କୁ ଆକର୍ଷିତ କରିବା ପାଇଁ କମ୍ପାନୀ ଏଥିରେ ରିହାତି ଦେଉଛି । ଯଦି ଆପଣ ଏହି ଗାଡି କିଣିବାକୁ ଚାହୁଁଛନ୍ତି ତେବେ ଆପଣଙ୍କ ପାଇଁ ସୁବର୍ଣ୍ଣ ସୁଯୋଗ । କାଓ୍ବାସାକି ନିଞ୍ଜା ୩୦୦ରେ ୨୯୬ ସିସି, ପାରାଲାଲ-ଟ୍ବିନ୍, ଲିକ୍ବିଡ୍ କୁଲ୍ଡ ଇଞ୍ଜିନ ମିଳେ ଯାହା ୩୮.୮୮ ବିଏଚପିର ପାଓ୍ବର ଓ ୨୬.୧ ଏନଏମର ପିକ୍ ଟର୍କ ଉତ୍ପନ କରିଥାଏ । ଏହି ମୋଟରକୁ ୬ ସ୍ପିଡ୍ ଗିୟରବକ୍ସ ସହିତ ଯୋଡାଯାଇଛି । ଏଥିରେ ଆସିଷ୍ଟ ଓ ସ୍ଲିପର କ୍ଲଚର ଲାଭ ମିଳିବ ।
ଏଥିରେ ଟେଲିସ୍କୋପିକ୍ ଫ୍ରଣ୍ଟ ଫୋକର୍ସ ଓ ଏଲ ଲିଙ୍କ୍ଡ ମୋନୋଶକ୍ ସାମିଲ । ଉଭୟ ଟାୟାରରେ ଡିସ୍କ ବ୍ରେକ୍ ମିଳିବ । ସେଫ୍ଟି ଦୃଷ୍ଟିରୁ ଏଥିରେ ଡୁଆଲ ଚ୍ୟାନେଲ୍ ଏବିଏସ୍ ଓ ସେଫ୍ଟି ନେଟ୍ ମଧ୍ୟ ସାମିଲ । ତେବେ ଆଜିକାଲି ଏହାକୁ ଟକ୍କର ଦେବା ପାଇଁ ବଜାରରେ କେଟିଏମ୍ ଆରସି ୩୯୦, ୟାମାହା ଆର୩ ଓ ଅପ୍ରିଲିୟା ଆରଏସ୍ ୪୫୭ ଭଳି ବାଇକ୍ କମ ଦାମରେ ମିଳୁଛି ।
