ସମ୍ବଲପୁର: ଓଡ଼ିଆ ପକ୍ଷ-୨୦୨୫ ପାଳନ ଉପଲକ୍ଷେ ମଙ୍ଗଳବାର ସମ୍ବଲପୁର ଜିଲାରେ ରକ୍ତଦାନ ଅଭିଯାନ ଦିବସ ରେଡ଼କ୍ରସ, ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଏବଂ ଉଚ୍ଚଶିକ୍ଷା ବିଭାଗ ପକ୍ଷରୁ ଜିଲାର ବିଭିନ୍ନ ପ୍ରାନ୍ତରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ସମ୍ବଲପୁର ବିଧାୟକ ଜୟନାରାୟଣ ମିଶ୍ରଙ୍କ ପ୍ରତିନିଧି ଶୁଭଶ୍ରୀ ମିଶ୍ର ଉପସ୍ଥିତ ରହି ରକ୍ତଦାତା ମାନଙ୍କୁ ରକ୍ତଦାନ କରିବା ପାଇଁ ଉତ୍ସାହିତ କରିଥିଲେ। ଏହି ପରିପ୍ରେକ୍ଷୀରେ ଜିଲା ମୁଖ୍ୟ ଚିକିତ୍ସାଳୟର ନର୍ସ, ଶିକ୍ଷାର୍ଥୀ, ସ୍ଥାନୀୟ ଯୁବବର୍ଗ ଏବଂ ଛାତ୍ରଛାତ୍ରୀ ସ୍ବେଚ୍ଛାକୃତ ଭାବରେ ଆସି ରକ୍ତଦାନ କରିଥିଲେ। ସମୁଦାୟ ୬୦ ୟୁନିଟ୍ ରକ୍ତ ସଂଗ୍ରହ ହୋଇଥିଲା। ଜିଲା ମୁଖ୍ୟ ଚିକିତ୍ସାଳୟର ନର୍ସ ମାନଙ୍କୁ ରକ୍ତଦାନର ମହତ୍ବ ବିଷୟରେ ସଚେତନ କରଯାଇଥିଲା। ରକ୍ତଦାତାଙ୍କୁ ଅତିଥିମାନଙ୍କ ଦ୍ୱାରା ପ୍ରଶଂସା ପତ୍ର ମଧ୍ୟ ପ୍ରଦାନ କରାଯାଇଥିଲା। ଏହି ଅବସରରେ ଜିଲାର ବିଭିନ୍ନ ବ୍ଲକରେ ରକ୍ତଦାନ ଅଭିଯାନ ଆୟୋଜିତ ହୋଇଥିଲା।
ଜିଲା ମୁଖ୍ୟ ଚିକିତ୍ସାଳୟର ରକ୍ତ ଭଣ୍ଡାର ଅଧିକାରୀ ଡଃ କଳ୍ପେଶ କକ୍କଡ, ସହକାରୀ ଜିଲା ଚିକିତ୍ସା ଅଧିକାରୀ ଡଃ ଅଲେଖ ମହାପାତ୍ର, ଡକ୍ଷ. ଏସ.କେ ତିରିୟା, ଡଃ ସୁଚିତ୍ରା ଏବଂ ସରକାରୀ ମହିଳା ମହାବିଦ୍ୟାଳୟର ଅଧ୍ୟକ୍ଷା ଡ. ରାଜଶ୍ରୀ ବରାଳ, ଜିଲା ସଂଯୋଜକ (ରେଡକ୍ରସ, ଯୁବକ ସଂଘ) ପବିତ୍ର ମୋହନ ବେହେରା, ଜିଲା ପରାମର୍ଶଦାତା (ରେଡକ୍ରସ, ଯୁବକ ସଂଘ) ଡ. ଦୀପକ କୁମାର ଓଝା, ଏନଏସଏସ କାର୍ଯ୍ୟକ୍ରମ ଅଧିକାରୀ ସୁଶାନ୍ତ କୁମାର ପଣ୍ଡା, ଏନଏସଏସ ସଦସ୍ୟା ସନ୍ଧ୍ୟା ସାହୁ, ସୁନିତା ନାଏକଙ୍କ ସମେତ ସହକାରୀ ଜିଲାପାଳ ରୋସେଲୀନା ତିର୍କୀ, ଜିଲା ସୂଚନା ଓ ଲୋକ ସମ୍ପର୍କ ଅଧିକାରୀ ସଞ୍ଜୁକ୍ତା କୁଲ୍ଲୁ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରିଥିଲେ।
