ସମ୍ବଲପୁର: ଆସନ୍ତା ଚୈତ୍ର ପୁର୍ଣ୍ଣିମା ୧୨ ତାରିଖରେ ଶନିବାର ବୀର ବଜରଙ୍ଗ ସଂଘ, ହାଟପଡ଼ା ସମ୍ବଲପୁର ତରଫରୁ ଦ୍ୱିତୀୟ ମୀନକେତନ ଦେହେରୀ ରାଜ୍ୟସ୍ତରୀୟ ନୌକା ଚାଳନା ପ୍ରତିଯୋଗିତା ଆୟୋଜିତ ହେବ। କୈବର୍ତ୍ତ ସମାଜ ସମ୍ବଲପୁରର ସହଯୋଗରେ ଆୟୋଜିତ ହେବାକୁ ଥିବା ଏହି ପ୍ରତିଯୋଗିତାରେ ୯୦ ଜଣ ପ୍ରତିଯୋଗୀ ଭାଗ ନେବେ। ପ୍ରତି ନୌକାରେ ୨ ଜଣ ଲେଖାଏଁ ପ୍ରତିଯୋଗୀ ଭାଗ ନେବେ। ସୋନପୁର, ବିନକା, ବୌଦ୍ଧ, ହରଭଙ୍ଗା, ତିତଲିପାଲି, ବାଉଁସିନି, କେଉଁଟପାଲି, ଚଢ଼ଇପଙ୍କ, ତୁରୁମ, ସିଣ୍ଡୋଲ, ବଇପୁର, ଉଦେପୁର, ଗରିମା, ଧମା, ଦେଗାଁ, ବୀରମହାରାଜପୁର, ଚାଉଁରପୁର, ପୋତାପାଲି, ମୁଣ୍ଡୋଘାଟ, ହାଟପଡ଼ା, ଦଲେଇପଡ଼ା, କୁଞ୍ଜେଲପଡ଼ା, ବଡବଜାର, ସୋନୁଟିକିରାର ଦଳ ଗୁଡିକ ଭାଗ ନେବେ। ପ୍ରତିଯୋଗିତା ଅପରାହ୍ନ ୩ଟାରୁ ଅଯୋଧ୍ୟା ସରୋବର ହାଟପଡ଼ାରୁ ଆରମ୍ଭ ହେବ। ନୌକା ଚାଳନା ଶେଷ ହେବା ପରେ ରାମାୟାଣରେ କୈବର୍ତ୍ତ ପ୍ରସଙ୍ଗକୁ ନେଇ ଏକ ନାଟକ ପରିବେଷଣ କରାଯିବ। ପ୍ରତିଯୋଗିତାରେ ପ୍ରଥମ ପୁରସ୍କାର ୧୧ ହଜାର, ଦ୍ୱିତୀୟ ପୁରସ୍କାର ୭୧ ଶହ ଟଙ୍କା, ତୃତୀୟ ପୁରସ୍କାର ୫୧ ଶହ ଟଙ୍କା ଓ ଚତୁର୍ଥ ପୁରସ୍କାର ୩୧ ଶହ ଟଙ୍କା ସହିତ ଟ୍ରଫି ଓ ପ୍ରମାଣପତ୍ର ପ୍ରଦାନ କରାଯିବ। ଏହି ସାମ୍ବାଦିକ ସମ୍ମିଳନୀରେ ସୁରେନ୍ଦ୍ର ନାଏକ, ବିଶ୍ୱଜିତ ଦେହୁରୀ, ବବଲୁ ବାଗ, ରାଜା ବରାଳ, ସୋମନାଥ ସେଠ ପ୍ରମୁଖଙ୍କ ସହିତ ଆୟୋଜକ କମିଟିର ସଦସ୍ୟ ମାନେ ଉପସ୍ଥିତ ରହିଥିଲେ।
Popular Categories
Previous article
Next article