ସମ୍ବଲପୁର: ରନ୍ଧନ ଗ୍ୟାସ ଦରବୃଦ୍ଧିକୁ ବିରୋଧ କରି ସମ୍ବଲପୁର ଜିଲା କଂଗ୍ରେସ କମିଟି ପକ୍ଷରୁ ମଙ୍ଗଳବାର ରାତିରେ ଜିଲା କଂଗ୍ରେସ କାର୍ଯ୍ୟାଳୟ ସମ୍ମୁଖରେ ପ୍ରତିବାଦ କରାଯାଇଥିଲା। ଜିଲା କଂଗ୍ରେସ କମିଟି ସଭାପତି ଜୟଶଙ୍କର ମିଶ୍ରଙ୍କ ନେତୃତ୍ବରେ କଂଗ୍ରେସ କାର୍ଯ୍ୟକର୍ତ୍ତା ମାନେ ଜିଲା କଂଗ୍ରେସ କାର୍ଯ୍ୟାଳୟ ଠାରୁ ଏକ ପ୍ରତିବାଦ ଶୋଭାଯାତ୍ରା ଲକ୍ଷ୍ମୀ ଟକିଜ ଛକ ଦେଇ ପରିକ୍ରମା କରି ଜିଲା କଂଗ୍ରେସ କାର୍ଯ୍ୟାଳୟ ସମ୍ମୁଖରେ ପହଞ୍ଚିବା ପରେ ବିକ୍ଷୋଭ ପ୍ରଦର୍ଶନ କରିବାସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ହରଦୀପ ସିଂ ପୁରୀଙ୍କ ପୋଷ୍ଟର ପୋଡ଼ିଥିଲେ। ଜିଲା କଂଗ୍ରେସ ପକ୍ଷରୁ କୁହାଯାଇଛି ଯେ, ବର୍ତ୍ତମାନ ଆନ୍ତର୍ଜାତୀୟ ବଜାରରେ ଅଶୋଧିତ ତୈଳଦର ଯଥେଷ୍ଟ କମ ରହିଥିବା ବେଳେ ଗରିବ ତଥା ସାଧାରଣ ଲୋକଙ୍କ ସରକାର ବୋଲି କହି ବାହା ବାହା ନେଉଥିବା କେନ୍ଦ୍ର ମୋଦୀ ସରକାର ହିତାଧିକାରୀଙ୍କୁ ଏଲପିଜି ଗ୍ୟାସ ସହ ଉଜ୍ଜ୍ବଳା ଯୋଜନାର ଗ୍ୟାସକୁ ୫୦ ଟଙ୍କା ବଢାଇଥିବାରୁ ଏ ନେଇ ଦୃଢ ପ୍ରତିବାଦ କରାଯାଇ ବର୍ଦ୍ଧିତ ଦରକୁ ତୁରନ୍ତ ପ୍ରତ୍ୟାହାର ପାଇଁ ଦାବି କରାଯାଇଛି। କାର୍ଯ୍ୟକ୍ରମରେ କଂଗ୍ରେସ ନେତା ସୁବାସ ବିଶ୍ବାଲ, ଗିରିଜା ନାୟକ, ମହମ୍ମଦ ଜୁବେର, ରବି ରାଉତ, ମୋହନ ସାହା, ମହମ୍ମଦ ସଲିମ, ଏମଡି ମୁକ୍ତାର, ହରୀ ପାଢୀ, ଫିଲିପ୍ପ କୁମାର, ଜିତେନ୍ଦ୍ର ପ୍ରଧାନ, ଜିତେନ୍ଦ୍ର ମହାନନ୍ଦ, ସାମା ସିଂ, ଓକିଲ ଚୌଦରୀ, ଅନିଲ ବେହେରା, ଶ୍ରବଣ ମେହେର, ଶିବ ପ୍ରଧାନଙ୍କ ସମେତ ବହୁ କଂଗ୍ରେସ କାର୍ଯ୍ୟକର୍ତ୍ତା ମାନେ ଉପସ୍ଥିତ ରହିଥିଲେ।
Popular Categories
Previous article
Next article