ପାଟଣା: ଆସନ୍ତା ୧୧ ତାରିଖରେ ଆୟୁଷ୍ମାନ ଭାରତ ଏବଂ ଗୋପବନ୍ଧୁ ଜନ ଆରୋଗ୍ୟ ଯୋଜନାର ଶୁଭାରମ୍ଭ ପାଇଁ ଉପଯୁକ୍ତ ସ୍ଥାନ ଚୟନ ନିମନ୍ତେ ଗୋଷ୍ଠୀ ଉନ୍ନୟନ ଅଧିକାରୀ ମାନସ କୁମାର ଦଣ୍ଡପାଟଙ୍କ ଦ୍ୱାରା ସର୍ବେକ୍ଷଣ କରାଯାଇଛି। ଏହି ପରିଦର୍ଶନ ସମୟରେ କେନ୍ଦେଇପଶି, କ୍ଷୀରେଇଟାଙ୍ଗିରି, ତୁରୁମୁଁଙ୍ଗା, ରାଜନଗର ଓ ଡୁମୁରିଆ ଗ୍ରାମ ପଞ୍ଚାୟତ ପରିଦର୍ଶନ କରାଯାଇଥିଲା। ସ୍ଥଳ ପରିଦର୍ଶନ ସମୟରେ ପାଟଣା ବିଧାୟକ ଅଖିଳ ଚନ୍ଦ୍ର ନାଏକ, ସହକାରୀ ଯନ୍ତ୍ରୀ ସିଦ୍ଧ ମାଝୀ, ଏପିଓ ଦୀପକ ବେହେରା, ତହସିଲ ଦାର ଲୀଳାବତୀ ନାଏକ, ବିଜେପି ବରିଷ୍ଠ ନେତା ରାଧାକାନ୍ତ ମହାନ୍ତ , ସ୍ୱାସ୍ଥ୍ୟ କର୍ମଚାରୀ ଓ ଗ୍ରାମ ପଞ୍ଚାୟତ ପ୍ରତିନିଧିମାନେ ଉପସ୍ଥିତ ଥିଲେ। ଅଧିକାରୀଙ୍କ ଦ୍ୱାରା କ୍ଷେତ୍ରର ପରିବେଶ, ଯୋଗାଯୋଗ ସୁବିଧା, ଜନସଂଖ୍ୟା ଓ ଲାଭାନ୍ବିତ ହେବାକୁ ଯୋଗ୍ୟ ଲୋକଙ୍କ ସଂଖ୍ୟା ଅନୁସାରେ ଶୁଭାରମ୍ଭ ସ୍ଥଳ ନିର୍ଣ୍ଣୟ ପାଇଁ ଖିରେଇଟାଙ୍ଗିରିକୁ ମନୋନୀତ କରାଯାଇଛି। ୧୧ ତାରିଖ ଦିନ ଆୟୁଷ୍ମାନ ଭାରତ କାର୍ଡ ବିତରଣ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ବିଧାୟକ ଘୋଷଣା କରିଛନ୍ତି।
Popular Categories
Previous article
Next article