ଚେନ୍ନାଇ : ଚେନ୍ନାଇରେ ଗୋଟିଏ ପରିବାରର ୪ ସଦସ୍ୟଙ୍କ ସନ୍ଦେହଜନକ ଭାବେ ମୃତ୍ୟୁ ଘଟିଛି। ଏହି ଘଟଣା ସ୍ଥାନୀୟ ଅଞ୍ଚଳରେ ହଇଚଇ ସୃଷ୍ଟି କରିଛି।
ପୁଲିସ ପକ୍ଷରୁ ମିଳିଥିବା ସୂଚନାନୁଯାୟୀ, ଗୁରୁବାର ଚେନ୍ନାଇରେ ଗୋଟିଏ ପରିବାରର ୨ ପୁଅଙ୍କ ସମେତ ୪ ଜଣ ସଦସ୍ୟଙ୍କ ମୃତଦେହ ସେମାନଙ୍କୁ ଘରୁ ଉଦ୍ଧାର କରାଯାଇଛି। ମୃତକଙ୍କ ମଧ୍ୟରେ ଡାକ୍ତର-ଓକିଲ ଦମ୍ପତି ଓ ସେମାନଙ୍କ ୨ ପୁଅ ରହିଛନ୍ତି । ୪ ଜଣଙ୍କ ମୃତଦେହ ଭିନ୍ନ ଭିନ୍ନ କକ୍ଷରୁ ଜବତ ହୋଇଛି । ଦମ୍ପତିଙ୍କ ବୟସ ୫୨ ଓ ୪୭ ବୋଲି ଜଣାପଡିଛି ।
ମୃତ ଡାକ୍ତରଙ୍କ ଗାଡି ଚାଳକ ଘରକୁ ଆସିବା ପରେ ତା’ର ସନ୍ଦେହ ହେବାରୁ ପୁଲିସକୁ ଖବର ଦେଇଥିଲେ। ପୁଲିସ କବାଟ ଖୋଲିବା ପରେ ୪ ଜଣଙ୍କ ମୃତଦେହ ଜବତ କରିଥିଲା। କରଜ କାରଣରୁ ପରିବାରର ସମସ୍ତେ ଆତ୍ମହତ୍ୟା କରିଛନ୍ତି ବୋଲି ପ୍ରାଥମିକ ତଦନ୍ତରୁ ଜଣାପଡିଛି। ପୁଲିସ ଘଟଣାର ତଦନ୍ତ ଜାରି ରଖିଛି।
- Advertisement -
