ନୂଆଦିଲ୍ଲୀ: ସାଧାରଣ ନିର୍ବାଚନ ପାଖେଇ ଆସିବା ସହ ରାଜନୈତିକ ଦଳଗୁଡ଼ିକ ସେମାନଙ୍କ ଆଭିମୁଖ୍ୟ ସ୍ପଷ୍ଟ କରିବାକୁ ବାଧ୍ୟ ହେଉଛନ୍ତି। ଗୁରୁବାର କଂଗ୍ରେସ ପାର୍ଟି ପକ୍ଷରୁ ତଲାକ ପ୍ରସଙ୍ଗରେ ନୂଆ ଘୋଷଣା କରାଯାଇଛି। ଯଦି ଆଗାମୀ ନିର୍ବାଚନ ପରେ କଂଗ୍ରେସକୁ ବହୂମତ ମିଳେ ତେବେ ତିନି ତଲାକ ଆଇନକୁ ବାତିଲ କରିବାକୁ ଘୋଷଣା କରିଛି କଂଗ୍ରେସ। ଅପରପକ୍ଷରେ ତିନି ତଲାକ ଆଇନକୁ ମୋଦୀ ସରକାର ଅମେଘ ଅସ୍ତ୍ର ଭାବେ ସଂଖ୍ୟାଲଘୁ ସମ୍ପ୍ରଦାୟ ଉପରେ ବ୍ୟବହାର କରିଥିଲେ। ଏହି ଆଇନକୁ ମୁସଲିମ ମହିଳା ସମର୍ଥନ କରୁଥିବାବେଳେ ପୁରୁଷମାନେ ଏହାକୁ ବିରୋଧ କରୁଛନ୍ତି। କଂଗ୍ରେସ ଏହି ଆଇନକୁ ଭିନ୍ନ ଢଙ୍ଗରେ ଉପସ୍ଥାପନ କରିଛି। ଏହି ଆଇନ ବଳରେ ମୁସଲିମ ପୁରୁଷଙ୍କୁ ଜେଲରେ ଭର୍ତ୍ତି କରିବା ଅଥବା ଥାନାରେ ଛିଡ଼ା କରାଇବା ପାଇଁ ଆଗତ କରାଯାଇଛି ବୋଲି କଂଗ୍ରେସ ଯୁକ୍ତି ଦର୍ଶାଇଛି। ଏହି ଆଇନ ମୁସଲିମ ମହିଳାଙ୍କୁ ସଶକ୍ତିକରଣ କରିବ ନାହିଁ ବରଂ ପୁରୁଷ ମହିଳାଙ୍କ ମଧ୍ୟରେ ବିଭାଜନ ସୃଷ୍ଟି କରିବ ବୋଲି କଂଗ୍ରେସ ଯୁକ୍ତି ଦର୍ଶାଇଛି।
କଂଗ୍ରେସ ପକ୍ଷରୁ ଏଭଳି ଘୋଷଣା କରିଛନ୍ତି ମହିଳା କଂଗ୍ରେସର ରାଷ୍ଟ୍ରୀୟ ଅଧ୍ୟକ୍ଷ ସୁସ୍ମିତା ଦେବ। ଦିଲ୍ଲୀର ଜବାହରଲାଲ ନେହେରି ଷ୍ଟାଡିୟମରେ ଅଳ୍ପସଂଖ୍ୟକ ମୋର୍ଚ୍ଚାକୁ ସମ୍ବୋଧିତ କରି ରାଷ୍ଟ୍ରୀୟ ଅଧ୍ୟକ୍ଷା ଏଭଳି ମନ୍ତବ୍ୟ ଦେଇଛନ୍ତି।
ତଲାକ ପ୍ରସଙ୍ଗରେ କଂଗ୍ରେସର ୟୁ ଟର୍ଣ୍ଣ: ସରକାର ଗଢିଲେ ବାତିଲ ହେବ ଆଇନ୍
Popular Categories
Previous article
Next article