ମୁମ୍ବଇ: ଟିଭି କାର୍ଯ୍ୟକ୍ରମରେ ମହିଳାଙ୍କ ସମ୍ପର୍କରେ ଅରୁଚିକର ମନ୍ତବ୍ୟ ଦେଇଥିବା ଅଭିଯୋଗରେ ରାଜସ୍ଥାନର ଯୋଧପୁରସ୍ଥିତ ଏକ ଥାନାରେ ଦୁଇ ଭାରତୀୟ କ୍ରିକେଟର ହାର୍ଦ୍ଦିକ ପାଣ୍ଡ୍ୟା ଓ ଲୋକେଶ ରାହୁଲଙ୍କ ସମେତ ବଲିଉଡ ପ୍ରଯୋଜକ କରନ ଜୋହରଙ୍କ ବିରୋଧରେ ମାମଲା ରୁଜୁ କରାଯାଇଛି। ଟିଭିରେ ପ୍ରସାରିତ ‘କଫି ୱିଥ୍ କରନ’ କାର୍ଯ୍ୟକ୍ରମରେ ଅଂଶଗ୍ରହଣ କରୁଥିବାବେଳେ ହାର୍ଦ୍ଦିକ ଓ ରାହୁଲ ମହିଳାଙ୍କ ସମ୍ପର୍କରେ ଆପତ୍ତିଜନକ ମନ୍ତବ୍ୟ ଦେଇଥିଲେ। ଚଳିତବର୍ଷ ଜାନୁଆରୀ ପ୍ରଥମ ସପ୍ତାହରେ ଏହା ପ୍ରସାରିତ ହେବାପରେ ଦେଶବ୍ୟାପୀ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା। ବିସିସିଆଇ ପକ୍ଷରୁ ଦୁଇ କ୍ରିକେଟରଙ୍କୁ ସାମୟିକ ବାସନ୍ଦ କରାଯିବା ସହ ଅଷ୍ଟ୍ରେଲିଆ ଗସ୍ତରୁ ଫେରାଇ ଅଣାଯାଇଥିଲା। ଜାନୁଆରୀ ୨୪ରେ ବାସନ୍ଦାଦେଶ ପ୍ରତ୍ୟାହୃତ ହେବାପରେ ହାର୍ଦ୍ଦିକ ନ୍ୟୁଜିଲାଣ୍ଡ ଯାତ୍ରା କରି ଭାରତୀୟ ଦଳ ସହ ଯୋଗଦେଇଥିବାବେଳେ ରାହୁଲଙ୍କୁ ଭାରତ ‘ଏ’ ଦଳରେ ଖେଳିବାର ସୁଯୋଗ ମିଳିଥିଲା।
Popular Categories
Previous article
Next article