ଏମ.ରାମପୁର: ଜଣେ ହାତୀ ଦାନ୍ତ ବେପାରୀ କୁ ଗିରଫ କରିବାରେ ସଫଳ ହୋଇଛି କଳାହାଣ୍ଡି ଜିଲ୍ଲା ଏମ.ରାମପୁର ବନ ବିଭାଗ। ଗିରଫ ଅଭିଯୁକ୍ତ ଜଣକ କଟକ ଜିଲ୍ଲା ଦୁର୍ଗା ପ୍ରସାଦ ଗାଁର ଗୋପବନ୍ଧୁ ମହାଲିକ ଓରଫ୍ ବାବୁଲି ବୋଲି ଜଣାପଡିଛି। ବାବୁଲି ଏମ.ରାମପୁର ନିକଟସ୍ଥ ମଟୋଗଣ୍ଡା ଗାଁରେ ଥିବା ଏକ କାବାଡି ଗୋଦାମରେ ରହୁଥିବା ବିଶେଷ ସୂତ୍ରରୁ ଖବରପାଇ ବନ ବିଭାଗର ଏକ ଟିମ୍ ଚଢ଼ାଉ କରିଥିଲା। ସେଠାରୁ ବାବୁଲିକୁ ଗିରଫ କରିଥିବା ବେଳେ ଘଟଣାସ୍ଥଳରୁ ତାର ଅନ୍ୟ ଜଣେ ସହଯୋଗୀ ଫେରାର ହୋଇଯାଇଛି। ବାବୁଲି ନାଁରେ ରାଜ୍ୟର ବିଭିନ୍ନ ରେଞ୍ଜରେ ଏକାଧିକ ମାମଲା ରହିଛି। ସେ ବିଭିନ୍ନ ସମୟରେ ହାତୀ ଶିକାର ସହିତ ହାତୀ ଦାନ୍ତ ବେପାରରେ ସାମିଲ ରହୁଥିଲା। ୨୦୨୧ମସିହାରେ ଆଠଗଡ ବନ ବିଭାଗ ଦ୍ବାରା ଗିରଫ ହୋଇ ଜେଲ ରୁ ଫେରି ପୁଣି ବେପାର କରୁଥିବା ବନ ବିଭାଗ ସୂଚନା ଦେଇଛି। ସେ ୫ବର୍ଷ ହେଲା ବନ ବିଭାଗ ସ୍କାନରରେ ଥିବା ବେଳେ ଚତୁରତାର ସହ ଚକମା ଦେଖାଇ ଫେରାର ହେବାରେ ସଫଳ ହେଉଥିଲା। ଏମ.ରାମପୁର ବନ ବିଭାଗ ତାକୁ ଗିରଫ କରିଛି।
Popular Categories
Previous article
Next article