ଡେସ୍କ: ମୁଣ୍ଡ ପିଛା ଆୟରେ ଏକାଦଶ ସ୍ଥାନରେ ରହିଛି ଓଡ଼ିଶା। ବାର୍ଷିକ ମୁଣ୍ଡ ପିଛା ଆୟ ୧୦.୬% ବୃଦ୍ଧି ପାଇଁ ୧.୮୩ ଲକ୍ଷରେ ପହଞ୍ଚିଛି। ୨୦୨୪-୨୫ ବର୍ଷର ଅର୍ଥନୈତିକ ସର୍ଭେ ରିପୋର୍ଟ ଆସିବା ପରେ ଏହି ତଥ୍ୟ ମିଳିଛି। ଆକଳନ ଅନୁଯାୟୀ, ରାଜ୍ୟର ଅଭିବୃଦ୍ଧି ହାର ୭.୨% ରହିବ। ସେହି ସମୟ ମଧ୍ୟରେ ସର୍ବଭାରତୀୟ ସ୍ତରରେ ଅଭିବୃଦ୍ଧି ହାର ୬.୪% ରହିବା ନେଇ ଆକଳନ କରାଯାଇଛି।
ଅର୍ଥନୈତିକ ସର୍ଭେ ରିପୋର୍ଟ ଅନୁଯାୟୀ, ରାଜ୍ୟ ଅର୍ଥନୀତିର ଆକାର ୧୦% ବୃଦ୍ଧି ପାଇଁ ୯.୫ ଲକ୍ଷ କୋଟିରେ ପହଂଚି ଥିବା ବେଳେ କୃଷି ଓ ଆନୁସଙ୍ଗିକ କ୍ଷେତ୍ରରେ ରାଜ୍ୟର ଯୋଗଦାନ ୧୯% ରହିଛି। ଏହି ଅଭିବୃଦ୍ଧି ହାର ୩.୩% ସର୍ବଭାରତୀୟ ସ୍ଥର ସହ ସମାନ ରହିଥିବା କୁହାଯାଇଛି। ଅନ୍ୟପକ୍ଷରେ ଶିଳ୍ପକ୍ଷେତ୍ରରେ ଯୋଗଦାନ ହାର ୪୪% ଥିବା ବେଳେ ଅଭିବୃଦ୍ଧି ହାର ୬.୧% ରହିଛି। ସେବା କ୍ଷେତ୍ରରେ ୧୦% ଅଭିବୃଦ୍ଧି ଆକଳନ କରାଯାଇଥିବା ବେଳେ ରାଜ୍ୟର ଯୋଗଦାନ ୩୭% ରହିଛି।
