କାଲିମେଳା : କାଲିମେଳା ବ୍ଲକ ଅନ୍ତର୍ଗତ ଏମ୍ଭି ୧୧୪ଗ୍ରାମରେ ଜଣେ ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି। ଯୁବତୀ ଜଣକ ୨ ଦିନ ହେଲା ଘର ଛାଡି କେର୍ଉ ଆଡେ ପଳାଇଥିଲେ। ପରିବାର ଲୋକେ ଝିଅକୁ ଖୋଜାଖୋଜି କରିବା ସତ୍ତ୍ବେ ପାଇନଥିଲେ। ତେବେ ବୁଧବାର ସକାଳେ ଝିଅର ଝୁଲନ୍ତା ମୃତଦେହ ଗ୍ରାମ ନିକଟ ଏକ ଗଛରେ ଦେଖିବାକୁ ପାଇଥିଲେ। ଏହାକୁ ନେଇ ମୋଟୁ ଥାନାରେ ଖବର ଦିଆଯାଇଥିଲା। ମୋଟୁ ଥାନା ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି। ତେବେ ଏହା ହତ୍ୟା କି ଆତ୍ମହତ୍ୟା ତାହା ସ୍ପଷ୍ଟ ହୋଇନାହିଁ। ତେବେ ପ୍ରେମ ସମ୍ପର୍କକୁ ନେଇ ଏପରି ହୋଇଥିବା ଅନୁମାନ କରାଯାଉଛି।
