ଡେସ୍କ: ଆସାମରେ ମେଘାଳୟ ସୀମାନ୍ତ ଡିମା ହାସାଓ ଜିଲ୍ଲାର ଉମରାଙ୍ଗସୋଠାରେ ବନ୍ୟାଗ୍ରସ୍ତ କୋଇଲା ଖଣି ଭିତରେ ଫସି ରହିଥିବା ଆଉ ୫ ଜଣ ଖଣି ଶ୍ରମିକଙ୍କୁ ଉଦ୍ଧାର ପାଇଁ ଉଦ୍ଧାର କାର୍ଯ୍ୟ ଜାରି ରହିଛି। ନୌସେନା, ସେନା, ଏନଡିଆରଏଫ, ଏସଡିଆରଏଫ, ଓଏନଜିସି, କୋଲ ଇଣ୍ଡିଆ ଏବଂ ଜିଲ୍ଲା ପ୍ରଶାସନ ମିଳିତ ଭାବେ ଅବଶିଷ୍ଟ କୋଇଲା ଖଣି ଶ୍ରମିକଙ୍କୁ ଠାବ କରି ଉଦ୍ଧାର କରିବା ପାଇଁ କାର୍ଯ୍ୟ କରୁଛନ୍ତି। ଶନିବାର ଉଦ୍ଧାରକାରୀ ଦଳ ପ୍ରାୟ ୧୫୦ ଘଣ୍ଟା ପରେ ଖଣିରୁ ୩ଟି ମୃତଦେହ ଉଦ୍ଧାର କରିଛନ୍ତି।
ସୋମବାର ସକାଳେ କୋଇଲା ଖଣିରେ ହଠାତ୍ ପାଣି ପଶିଯିବାରୁ ଖଣି ଭିତରେ ଶ୍ରମିକମାନେ ଫସି ରହିଥିଲେ। ମୃତକମାନେ ହେଲେ ଗଙ୍ଗା ବାହାଦୁର, ଲିଜେନ ମଗର, ଖୁସି ମୋହନ ଓ ଶରତ ଗୋୟାରୀ। ଗଙ୍ଗା ବାହାଦୁର ଜଣେ ନେପାଳୀ ନାଗରିକ। ଏହି ଘଟଣାରେ ଏପର୍ଯ୍ୟନ୍ତ ଦୁଇ ଜଣଙ୍କୁ ଗିରଫ କରାଯାଇଛି। ଖଣି ବ୍ଲକ ଲିଜ ନେଇଥିବା ପୁନୁଷ ନୁନିସା ଏବଂଜଣେ କର୍ମଚାରୀ ହନାନ ଲସ୍କରକୁ ପୁଲିସ ଗିରଫ କରିଛି।
