ଭୁବନେଶ୍ୱର : ପ୍ରବାସୀ ଭାରତୀୟ ସାରା ବିଶ୍ୱରେ ଦେଶର ମାନ ରଖିଛନ୍ତି। ବିଭିନ୍ନ କ୍ଷେତ୍ରରେ ପାରଦର୍ଶିତା ଦେଖାଇ ପ୍ରତିଷ୍ଠା ପାଇଛନ୍ତି। ପ୍ରବାସୀଙ୍କ ପାଇଁ କେବଳ ଭାରତବାସୀ ଗର୍ବିତ ନୁହଁନ୍ତି, ନିୟୁତ ନିୟୁତ ଲୋକେ ପ୍ରବାସୀଙ୍କୁ ଆଦର୍ଶ ମାନୁଛନ୍ତି। ଭୁବନେଶ୍ୱରରେ ଜନତା ମଇଦାନରେ ପ୍ରବାସୀ ଭାରତୀୟ ଦିବସ ସମ୍ମିଳନୀର ଉଦ୍ଯାପନୀ ଉତ୍ସବରେ ଯୋଗ ଦେଇ ଶୁକ୍ରବାର ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏହି ଅଭିଭାଷଣ ରଖିଛନ୍ତି । ରାଷ୍ଟ୍ରପତି କହିଛନ୍ତି, ବିକଶିତ ଭାରତ ନିର୍ମାଣରେ ପ୍ରବାସୀଙ୍କ ସହଯୋଗ ଜରୁରୀ। ଏନଆରଆଇଙ୍କ ପାଇଁ ଭାରତ ସରକାର ବହୁତ ଯୋଜନା ମଧ୍ୟ କରିଛନ୍ତି । ପ୍ରବାସୀଙ୍କ ପାଇଁ ମୁଖ୍ୟମନ୍ତ୍ରୀଙ୍କ ପଦକ୍ଷେପକୁ ରାଷ୍ଟ୍ରପତି ପ୍ରଶଂସା କରିଛନ୍ତି। ୩ ଦିନରେ ଭାରତ କ’ଣ ଓ ପ୍ରବାସୀଙ୍କ ଯୋଗଦାନର ବିତର୍କ ହୋଇଛି। ପ୍ରବାସୀ ଯେଉଁଠି ଥିଲେ ବି ମାତୃଭୂମି ପ୍ରୀତି ନିଶ୍ଚିତ ରହିବ। ଏହାସହ ଏହି ଅବସରରେ ରାଷ୍ଟ୍ରପତି ଅନେକ ପ୍ରବାସୀ ଭାରତୀୟଙ୍କୁ ସମ୍ମାନିତ କରିଛନ୍ତି। ୩ ଦିନ ଧରି ଭୁବନେଶ୍ୱରରେ ଏକାଠି ହୋଇଛନ୍ତି ପ୍ରବାସୀ।
ମକର ସଂକ୍ରାନ୍ତି ପରଠାରୁ ଏହି ରାଶି ହେବେ ମାଲାମାଲ୍, କିଣିବେ ଭୂମି,ଘର, ହେବେ ଭାଗ୍ୟଶାଳୀ..
