ପାଟଣା : ରାଜ୍ୟ ସରକାର ଧାନର ଏମଏସପି ସାଙ୍ଗକୁ ଅତିରିକ୍ତ ୮ ଶହ ଟଙ୍କା ବୋନସ ଦେବା ପରେ ଏବେ ଜଳସେଚନ ସୁବିଧା ଥିବା ଅଞ୍ଚଳରେ ଚାଷୀ ମାନେ ରବି ଋତୁରେ ମଧ୍ୟ ଧାନ ଚାଷ ପାଇଁ ଆଗ୍ରହୀ ଅଛନ୍ତି। ମାତ୍ର ଲାଇଟ କ୍ରପ ବା ସୂର୍ଯ୍ୟମୁଖୀ ,ସୋରିଷ ଆଦି ତୈଳବୀଜ ଜାତୀୟ ଚାଷ ପାଇଁ କାନଝରୀ କେନାଲର ଡାହାଣ ପଟ କେନାଲରେ ଚଳିତ ବର୍ଷ ଗତ ୨୮ ଡିସେମ୍ବରରୁ ପାଣି ଛଡ଼ାଯାଇଛି। ଯାହା ଫଳରେ ତୋରାଣୀପୋଖରୀ , କାଠବାରି ,ସରାସ ପଶି ,ଭୋଳବେଡା ଆଦି ପଞ୍ଚାୟତ ଯେଉଁ ଚାଷୀ ସୂର୍ଯ୍ୟମୁଖୀ ସୋରିଷ କରିଛନ୍ତି ସେମାନେ ତ ପାଣି ପାଉଛନ୍ତି କିନ୍ତୁ ବହୁ ପାଣି ଖାଲି ବିଲରେ ମାଡି ନଷ୍ଟ ହେଉଛି।
ଲୋକେ ରବି ଋତୁରେ ଧାନଚାଷ ପାଇଁ ଆଗ୍ରହୀ ଥିଲେ ମଧ୍ୟ ପାଣି କେବେ ଯାଏ ଦିଆଯିବ ତାହା ଜଳସେଚନ ବିଭାଗ ସ୍ପଷ୍ଟ କରିନାହିଁ। ଲାଇଟ କ୍ରପ ବାଦ ଖାଲି ପଡିଥିବା ବିଲରେ ପାଣି ଜମି ସନ୍ତସନ୍ତିଆ ଓ ଅସ୍ୱାସ୍ଥ୍ୟକର ପରିବେଶ ମଧ୍ୟ ସୃଷ୍ଟି ହେଉଛି। ବର୍ଷେ ବାମ ପଟ କେନାଲରେ ପାଣି ଛଡ଼ାଯାଉଥିବାବେଳେ ବର୍ଷେ ଡାହାଣ ପଟ କେନାଲରେ ପାଣି ଛଡ଼ାଯାଉଛି। ଚଳିତ ବର୍ଷ ଡାହାଣ ପଟ କେନାଲରେ ପାଣି ଛଡା ଯାଉଥିବାରୁ ଏହାକୁ ମଇ ମାସ ପର୍ଯ୍ୟନ୍ତ ଦିଆଯିବା ଓ କୃଷି ବିଭାଗ ଅଞ୍ଚଳରେ ଚାଷୀ ମାନଙ୍କୁ ଧାନଚାଷ ପାଇଁ ସୁଯୋଗ ଦେବାକୁ ଏହି ସବୁ ପଞ୍ଚାୟତ ବାସୀ ଦାବି କରିଛନ୍ତି। ଏପରିକି ରାଜ୍ୟରେ ରବି ଋତୁରେ ଧାନ ଚାଷ ପାଇଁ ମଣ୍ଡି ବ୍ୟବସ୍ଥା ଥିବାବେଳେ ରବି ଋତୁରେ ଉତ୍ପାଦିତ ଧାନ ଫସଲ ଖରିଦ ପାଇଁ ଢେଙ୍କିକୋଟ , ପିପିଳିଆରେ ମଣ୍ଡି ବ୍ୟବସ୍ଥା କରାଯିବାକୁ ଏହି ସବୁ ପଞ୍ଚାୟତ ବାସୀଙ୍କ ଦ୍ଵାରା ଦାବି ହୋଇଛି।
Comments are closed.