କଳାପଥର (ବାଙ୍କୀ): ବାଙ୍କୀ ବ୍ଲକ ଅନ୍ତର୍ଗତ ଜୋକିଲଦଳ ଖଜୁରିପଦା ଠାରେ ଓଡିଶା ଆଦର୍ଶ ବିଦ୍ୟାଳୟର ୫ମ ବାର୍ଷିକ କ୍ରୀଡା ଅନୁଷ୍ଠିତ ହୋଇଯାଇଛି। ତିଗିରିଆ ପ୍ରଶନ୍ନମଣି କଲେଜର ଆସୋସିଏଟ ପ୍ରଫେସର ଡ଼ଃ ସୁବିତି କୁମାର ପଟ୍ଟନାୟକ ଏହି ପ୍ରତିଯୋଗିତାକୁ ଉଦଘାଟନ କରିଥିଲେ। ସମାଜସେବୀ ରଂଜିତ କୁମାର ପଟ୍ଟନାୟକ ଅତିଥି ଭାବେ ଯୋଗ ଦେଇଥିଲେ। ଏହି କ୍ରୀଡା ପ୍ରତିଯୋଗିତା ଦୁଇ ଦିନ ଧରି ଚାଲିବାକୁ ଥିଲା ବେଳେ ପ୍ରଥମେ ଛାତ୍ରମାନେ ସ୍ଥାନୀୟ ମନ୍ଦିରରେ ପୂଜା ରୀତି ନୀତି ସମ୍ପୂର୍ଣ କରି ମଶାଲ ଶୋଭାଯାତ୍ରା ଆଣିବା ପରେ ବିଦ୍ୟାଳୟ ପରିସରରେ ମାଚିଂ ଓ ସ୍ଲୋଗାନ ପତକା ଉତୋଳନ କରାଯାଇଥିଲା। ପରେ ବିଦ୍ୟାଳୟର ଅଧ୍ୟକ୍ଷ ମୀନକେତନ ରାୟଙ୍କ ଅଧକ୍ଷତରେ କ୍ରୀଡା ଶିକ୍ଷକ ଅଭୟ କୁମାର ଜେନା ସଂଯୋଜନା କରିଥିଲେ। ଏହି କ୍ରୀଡା ପ୍ରତିଯୋଗିତାରେ ବିଦ୍ୟାଳୟର ୪୦୦ରୁ ଅଧିକ ଛାତ୍ରଛାତ୍ରୀ ଅଂଶ ଗ୍ରହଣ କରିଥିବା ବେଳେ ସମସ୍ତ ଶିକ୍ଷକ ଏବଂ ଶିକ୍ଷୟତ୍ରୀ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
Comments are closed.