ବେଙ୍ଗାଲୁରୁ: ସଫ୍ଟୱେୟାର ଇଞ୍ଜିନିୟର ଅତୁଲ ସୁଭାଷ ଙ୍କ ଆତ୍ମହତ୍ୟା ମାମଲାରେ ପୁଲିସ ବଡ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଏହି ଘଟଣାରେ ପୁଲିସ ତାଙ୍କ ପତ୍ନୀ ନିକିତା, ନିକିତାଙ୍କ ମାଆ ଓ ଭାଇକୁ ଗିରଫ କରିଛି। ବେଙ୍ଗଲୁରୁ ପୁଲିସ୍ ଗୁରୁଗ୍ରାମରୁ ପତ୍ନୀ ନିକିତାଙ୍କୁ ଗିରଫ କରିଥିବାବେଳେ ତାଙ୍କ ମାଆ ଏବଂ ଭାଇକୁ ଉତ୍ତରପ୍ରଦେଶ ପ୍ରୟାଗରାଜରୁ ଗିରଫ କରିଥିବା ସୂଚନା ମିଳିଛି। ମୃତ୍ୟୁ ପୂର୍ବରୁ ପତ୍ନୀଙ୍କ ବିରୋଧରେ ଗୁରୁତର ଅଭିଯୋଗ ଆଣିଥିଲେ ଅତୁଲ। ମୃତ୍ୟୁ ପାଇଁ ପତ୍ନୀ ଏବଂ ଶ୍ଵଶୁର ଘର ଲୋକଙ୍କୁ ସେ ଦାୟୀ କରିଥିଲେ। ଅଭିଯୋଗ କରିବା ପରେ ସୋସିଆଲ ମିଡିଆରେ ଏକ ଭିଡିଓ ମଧ୍ୟ ସେ ସେୟାର କରିଥିଲେ। ୩ ଦିନ ପୂର୍ବରୁ ବେଙ୍ଗାଲୁରୁ ପୁଲିସ୍ ନିକିତାଙ୍କ ଘର କାନ୍ଥରେ ପୋଟିସ୍ ମାରିଥିଲା। ନୋଟିସରେ ୩ ଦିନ ମଧ୍ୟରେ ବୟାନ ରେକର୍ଡ କରିବାକୁ କୁହାଯାଇଥିଲା। ଏହା ମଧ୍ୟରେ ନିକିତା ଏବଂ ତାଙ୍କ ପରିବାର ଲୋକ ଆଗୁଆ ଜାମିନ୍ ପାଇଁ ଆବେଦନ କରିଥିଲେ। ଶେଷରେ ପୁଲିସ ତାଙ୍କୁ ଗିରଫ କରିଥିବା ସୂଚନା ମିଳିଛି।
Comments are closed.