ରେଙ୍ଗାଲିକ୍ୟାମ୍ପ: ଅତାବିରା ଦୁର୍ଗା ମନ୍ଦିର ପାଖରେ ଥିବା ଇନଡୋର ଷ୍ଟାଡିୟମରେ ଆସନ୍ତା ୨୦ ତାରିଖରୁ ଟୁନୁ ପଣ୍ଡା ମେମୋରିଆଲ ରାଜ୍ୟସ୍ତରୀୟ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟ ଆରମ୍ଭ ହେବ। ଏ ନେଇ ଅତାବିରା ଆଥଲେଟିକ ଆସୋସିଏସନ ପକ୍ଷରୁ ରବିବାର ଅନୁଷ୍ଠିତ ପ୍ରସ୍ତୁତି ବୈଠକରେ ନିଷ୍ପତ୍ତି ହୋଇଛି। ସଭାପତି ସିଦ୍ଧାର୍ଥ ଶଙ୍କର ପଣ୍ଡାଙ୍କ ସଭାପତିତ୍ୱ ଓ ସମ୍ପାଦକ ଜିତେନ୍ଦ୍ର ଦାଶଙ୍କ ପରିଚାଳନାରେ ଅନୁଷ୍ଠିତ ବୈଠକରେ ସର୍ବସମ୍ମତିକ୍ରମେ ଆସନ୍ତା ୨୦ ତାରିଖରୁ ୩ ଦିନ ଧରି ଟୁର୍ଣ୍ଣାମେଣ୍ଟ କରିବା ପାଇଁ ସ୍ଥିର ହୋଇଛି। ସନ୍ଦୀପ ଅଗ୍ରୱାଲ, ନବୀନ ଦାଶ, ଫାରୁଖ ଖାନ, ରୋଶନ ସାମଲ, ଦେବେନ୍ଦ୍ର ସ୍ୱାଇଁ, ମନୋଜ ସାହୁ ପ୍ରମୁଖ ସଦସ୍ୟ ଉପସ୍ଥିତ ଥିଲେ। ଶେଷରେ ମୁଖ୍ୟ ପରିଚାଳକ ପାର୍ଥ ସାରଥୀ ପଣ୍ଡା ଧନ୍ୟବାଦ ଦେଇଥିଲେ। ଏଥିରେ ଜିଲ୍ଲା ତଥା ରାଜ୍ୟର ବିଭିନ୍ନ ଜିଲ୍ଲାରୁ ଖେଳାଳି ଯୋଗଦେବାର କାର୍ଯ୍ୟକ୍ରମ ରହିଛି।
Comments are closed.