ଡେସ୍କ: ପଞ୍ଜାବରେ ଆନ୍ଦୋଳନରତ କୃଷକମାନେ ପୁଣି ଥରେ ଗୋଟିଏ ଦିନ ପାଇଁ ‘ଦିଲ୍ଲୀ ଚଲୋ’ ଶୋଭାଯାତ୍ରାକୁ ବନ୍ଦ କରିଛନ୍ତି। ଶମ୍ଭୁ ଚେକପୋଷ୍ଟରେ ହରିୟାଣା ପୋଲିସ ସେମାନଙ୍କୁ ହଟାଇବା ପାଇଁ ଲୁହବୁହା ଗ୍ୟାସ ଏବଂ ପାଣି ତୋପ ପ୍ରୟୋଗ କରିବାରୁ କିଛି କୃଷକ ଆହତ ହୋଇଥିବାରୁ ଏଭଳି ନିଆଯାଇଥିବା ଜଣାପଡିଛି।
ଅନ୍ୟପକ୍ଷରେ ଗତ ୧୮ ଦିନ ଧରି ଅନଶନରେ ବସିଥିବା କୃଷକ ନେତା ଜଗଜିତ୍ ସିଂହ ଦଲେୱାଲଙ୍କୁ ଚିକିତ୍ସା ସହାୟତା ଯୋଗାଇ ଦେବାକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ ଦୃଷ୍ଟିରେ ରଖି ଆଜି ପଟିଆଲା ଡେପୁଟି କମିଶନର ତଥା ଜିଲ୍ଲା ପୁଲିସ ମୁଖ୍ୟ ତାଙ୍କୁ ଭେଟିଛନ୍ତି। ଫସଲ ପାଇଁ ସର୍ବନିମ୍ନ ସହାୟକ ମୂଲ୍ୟ ପାଇଁ ଆଇନଗତ ଗ୍ୟାରେଣ୍ଟି ଏବଂ ଋଣ ଛାଡ଼ ଆଦି ଦାବିକୁ ସମର୍ଥନ କରି କୃଷକମାନେ ଫେବ୍ରୁଆରି ୧୩ ତାରିଖରୁ ପଞ୍ଜାବ ଏବଂ ହରିୟାଣା ମଧ୍ୟରେ ଥିବା ଶମ୍ଭୁ ଏବଂ ଖାନୌରୀ ସୀମାରେ ବିକ୍ଷୋଭ ପ୍ରଦର୍ଶନ କରୁଛନ୍ତି।
