ଗୋପାଳପୁର: ଗୋଳନ୍ଥରା ଥାନା ଅନ୍ତର୍ଗତ ଜାତୀୟ ରାଜପଥ ନଂ ୧୬ର ଗୋବିନ୍ଦପୁର ଛକ ନିକଟରେ ମଙ୍ଗଳବାର ରାତିରେ ପିକଅପ ଭ୍ୟାନ ଧକ୍କାରେ ଦୁଇ ଜଣଙ୍କ ମୃତ୍ୟୁ ଘଟିଛି। ବାଇକ ସହିତ ୩ ଜଣ ଯୁବକ ରାସ୍ତାକଡ଼ରେ ଛିଡ଼ା ହୋଇଥିବାବେଳେ ପିକଅପ ଭ୍ୟାନଟି ସେମାନଙ୍କୁ ଧକ୍କା ଦେଇଥିଲା। ମୃତକ ଦ୍ଵୟ ହେଲେ ଗୋଳନ୍ଥରା ଥାନା ଅଧୀନ ରାମେୟାପାଟଣା ଗାଁର ଭି. କାର୍ତ୍ତିକ(୨୧) ଓ ଭି. ରବି କୁମାର( ୨୪)। ଅନ୍ୟ ଜଣେ ଯୁବକ ବି. ବିଜୟ କୁମାର ଆହତ ହୋଇଛନ୍ତି। ମଙ୍ଗଳବାର ରାତି ସାଢେ ୧୦ଟା ସମୟରେ କାର୍ତ୍ତିକ, ରବି କୁମାର ଓ ବିଜୟ କୁମାର ଇଚ୍ଛାପୁରା ରେଳ ଷ୍ଟେସନରୁ ଏକ ସ୍କୁଟି (ଓଡି ୦୭ ଏ ଟି ୭୬୪୮) ଯୋଗେ ଫେରି ଗୋବିନ୍ଦପୁର ଛକ ନିକଟରେ ଛିଡା ହୋଇଥିବା ବେଳେ ଏହି ଦୁର୍ଘଟଣା ଘଟିଥିଲା। ସ୍ଥାନୀୟ ଲୋକ ସେମାନଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଦ୍ଵାରା ବ୍ରହ୍ମପୁର ବଡ଼ ଡାକ୍ତରଖାନାରେ ଭର୍ତ୍ତି କରିଥିଲେ । କାର୍ତ୍ତିକ ଓ ରବି କୁମାରଙ୍କୁ ଡାକ୍ତର ମୃତ ଘୋଷଣା କରିଥିଲେ। ଏ ନେଇ ଗୋଳନ୍ଥରା ଥାନାରେ କେସ ନଂ ୫୧୮/୨୪ରେ ଏକ ମାମଲା ହୋଇଛି। ଦୁର୍ଘଟଣା ଗ୍ରସ୍ତ ପିକଅପ୍ ଏବଂ ସ୍କୁଟିକୁ ଜବତ କରି ଘଟଣାର ତଦନ୍ତ କରାଯାଉଥିବା ଥାନା ଅଧିକାରୀ ବିବେକାନନ୍ଦ ସ୍ୱାଇଁ ସୂଚନା ଦେଇଛନ୍ତି।
Popular Categories
Previous article
Next article