ପାତ୍ରପୁର: ଜରଡ଼ା ଥାନା ଖାରିଆଗୁଡା ଫାଣ୍ଡିଠାରୁ ବାଘଲଟି ଡ୍ୟାମ୍ ଯିବା ରାସ୍ତାରେ ମଙ୍ଗଳବାର ଟ୍ରାକ୍ଟର ଧକ୍କାରେ ଜଣେ ମୋପେଡ଼୍ ଆରୋହୀଙ୍କ ମୃତ୍ୟୁ ଘଟିଛି। ମୃତକ ଜଣକ ହେଉଛନ୍ତି ମନ୍ଦରଡ଼ା ପଞ୍ଚାୟତ ତିନି ଘରିଆ ଗ୍ରାମର ଦୁର୍ଲଭ ସେଠୀ(୬୩)। ଦୁର୍ଲଭ ନିଜ ଦୋକାନ ପାଇଁ ସଉଦା ଆଣିବାକୁ ଗ୍ରାମରୁ ଏକ ମୋପେଡ୍ ଯୋଗେ ଖାରିଆଗୁଡା ଆସୁଥିବାବେଳେ ପୋଇ ଚାନ୍ଦିଆ କୁଆରୀରୁ ପଥର ବୋଝେଇ କରି ଆସୁଥିବା ଏକ ଟ୍ରାକ୍ଟର ଦୋକି ସନ୍ନ୍ୟାସୀ ମହାବିଦ୍ୟାଳୟ ନିକଟରେ ତାଙ୍କୁ ଧକ୍କା ଦେଇଥିଲା। ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ଖବର ପାଇ ଖାରିଆଗୁଡା ଫାଣ୍ଡି ପୁଲିସ ଘଟଣାସ୍ଥଳରେ ପହଞ୍ଚିଥିଲା। ପରେ ଜରଡା ଥାନା ପୁଲିସ ଆସି ମୃତଦେହ ଜବତ କରିବା ସହ ବ୍ୟବଛେଦ ପାଇଁ ବ୍ରହ୍ମପୁର ପଠାଇଛି। ଏନେଇ ଏକ ଅପମୃତ୍ୟୁ ମାମଲା ରୁଜୁ ହୋଇଛି। ଗତ ବର୍ଷ ତାଙ୍କ ପୁଅର ସାପ କାମୁଡ଼ାରେ ମୃତ୍ୟୁ ଘଟିଥିବାବେଳେ ଏବେ ବାପର ଦୁର୍ଘଟଣାରେ ମୃତ୍ୟୁ ଫଳରେ ଗ୍ରାମରେ ଶୋକର ଛାୟା ଖେଳିଯାଇଛି।
Popular Categories
Previous article
Next article