ଭୁବନେଶ୍ବର : ସତ୍ୟସାଇ ସେବା ସଙ୍ଗଠନ ଭୁବନେଶ୍ବର ସାଇ ଜିଲାର ସାଇ ଜନଜନୀଠାରେ ସତ୍ୟସାଇ ବାବାଙ୍କ ୯୯ତମ ଜନ୍ମଜୟନ୍ତୀ ପାଳିତ ହୋଇଯାଇଛି। ପ୍ରାତଃ ନଗର ସଂକୀର୍ତ୍ତନ, ମଙ୍ଗଳବାଦ୍ୟ ପରେ ସଙ୍ଗଠନର ଜିଲା ସଭାପତିଙ୍କ ଦ୍ବାରା ଦିବ୍ୟ ପ୍ରଶାନ୍ତି ପତାକା ଉତ୍ତୋଳନ କରାଯାଇଥିଲା। ଏହି ଅବସରରେ ରେଡକ୍ରସ ରକ୍ତଭଣ୍ଡାର ସହଯୋଗରେ ଏକ ରକ୍ତଦାନ ଶିବିର କରାଯାଇଥିଲା। ସଙ୍ଗଠନ ତରଫରୁ ସମସ୍ତ ରୋଗୀଙ୍କ ଆରୋଗ୍ୟ କାମନା କରାଯାଇ ୨୨ ତାରିଖରେ କ୍ୟାପିଟାଲ ହସ୍ପିଟାଲ, ହାଇଟେକ ହସ୍ପିଟାଲ, ବିଏମ୍ସି ହସ୍ପିଟାଲ ସମେତ ବିଭିନ୍ନ ହସ୍ପିଟାଲେର ଫଳ ଓ ପ୍ରସାଦ ବଣ୍ଟନ କରାଯାଇଥିଲା। କୋଟି ନାମାର୍ଚ୍ଚନା , ବେଦଧ୍ବନି, ଭଜନ ସହିତ ସତ୍ୟସାଇ ହାଇସ୍କୁଲ ପିଲାମାନଙ୍କ ଦ୍ବାରା ଜନ୍ମଦିନ କେକ୍ କଟାଯାଇ ବଣ୍ଟନ କରାଯାଇଥିଲା।
ମଧ୍ୟାହ୍ଣରେ ସମସ୍ତ ଭକ୍ତ ଓ ସାଇ ଆଶ୍ରିତଙ୍କ ସମେତ ସାଧାରଣ ଲୋକ ପ୍ରସାଦ ସେବନ କରିଥିଲେ। ପ୍ରାୟ ୧୫୦ ନାରାୟଣଙ୍କୁ ଅନ୍ନପ୍ରସାଦ ଓ ବସ୍ତ୍ର ବଣ୍ଟନ କରାଯାଇଥିଲା। ଭୁବନେଶ୍ବର ସାଇ ଜିଲ୍ଲା ଅନ୍ତର୍ଗତ ସମସ୍ତ ୬ଟି ସମିତି ରେ ପ୍ରଶାନ୍ତି ପତାକା ଉତ୍ତୋଳନ କରାଯାଇ , ସମସ୍ତ ଭଜନ ମଣ୍ଡଳୀ ଓ ପୋଷ୍ୟ ଗ୍ରାମ ମାନଙ୍କରେ ଭଗବାନ୍ ଙ୍କ ଜନ୍ମ ଉତ୍ସବ ପାଳିତ ହୋଇଯାଇଛି. ସାନ୍ଧ୍ୟ କାର୍ଯ୍ୟକ୍ରମରେ ଦୀପ ପ୍ରଜ୍ଜ୍ଵଳନ ଓ ବେଦ ପାଠ କରାଯାଇ ଭଜନ ,ସତସଙ୍ଗ , ଭଗବାନ୍ ଙ୍କ ଦିବ୍ୟ ସମ୍ଭାଷଣର ବୃତ୍ତଚିତ୍ର ପ୍ରଦର୍ଶିତ ହୋଇଥିଲା, ଜନ୍ମଦିନ କେକ୍ କଟାଯାଇ ସମସ୍ତଙ୍କ ବନାନ କରାଯାଇଥିଲା । ଏହାପରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ କରାଯାଇ ମଙ୍ଗଳ ଆଳତି ଏବଂ ଦିବ୍ୟକୃପା ସହିତ ଜନ୍ମଦିନ କାର୍ଯ୍ୟକ୍ରମ ଶେଷ ହୋଇଥିଲା।
Comments are closed.