ଭୁବନେଶ୍ବର: ରାଜ୍ୟର ପାହାଡ଼ିଆ ଏବଂ ସମତଳ ଅଞ୍ଚଳ ଗୁଡିକରେ ରାତିର ସର୍ବନିମ୍ନ ତାପମାତ୍ରା ଖସିବା ସହ ଶୀତ ଅନୁଭୂତ ହେଉଛି। ସପ୍ତାହେ ହେଲା ଶୀତ ପ୍ରକୋପ ବଢୁଛି। କନ୍ଧମାଳ, ଅନୁଗୋଳ, କଳାହାଣ୍ଡି, ନବରଙ୍ଗପୁର, କୋରାପୁଟ, ବଲାଙ୍ଗିର ଏବଂ ସୁନ୍ଦରଗଡ ଆଦି ଜିଲା ଗୁଡିକରେ ଶୀତ ପ୍ରକୋପ ଲାଗି ରହିଛି।
ଗତ ୨୪ ଘଣ୍ଟା ମଧ୍ୟରେ କନ୍ଧମାଳ ଜିଲା ଘୁ.ଉଦୟଗିରିରେ ରାତି ତାପମାତ୍ରା ୭.୪ଡିଗ୍ରୀ ରେକର୍ଡ ହୋଇଥିବା ବେଳେ ସେମିଳିଗୁଡାରେ ୮.୧ ଡିଗ୍ରୀ ରହିଛି। ଫୁଲବାଣୀରେ ୯ ଡିଗ୍ରୀ, ଦାରିଙ୍ଗବାଡି ୧୧, ନବରଙ୍ଗପୁର ୧୨.୪, କୋରାପୁଟ ୧୧.୫, ଭବାନୀପାଟଣା ୧୨, ସୁନ୍ଦରଗଡ଼ ୧୨.୫, କେନ୍ଦୁଝର ୧୩.୪, ଝାରସୁଗୁଡା ୧୨.୪, ଅନୁଗୋଳ ୧୩, ଭୁବନେଶ୍ବର ୧୬.୭ ଏବଂ କଟକରେ ୧୬.୮ଡିଗ୍ରୀ ରହିଛି।
- Advertisement -
ଭୁବନେଶ୍ବର ପାଣିପାଗ ବିଜ୍ଞାନ କେନ୍ଦ୍ରର ପୂର୍ବାନୁମାନ ଆସନ୍ତା ୪ରୁ ୫ଦିନ ମଧ୍ୟରେ ସର୍ବାଧିକ ଓ ସର୍ବନିମ୍ନ ତାପମାତ୍ରାରେ ବିଶେଷ ପରିବର୍ତ୍ତନର ସମ୍ଭାବନା ନାହିଁ।
