ପାଟଣା : ପାଠ ଡରରୁ ନବମ ଶ୍ରେଣୀର ଜଣେ ଛାତ୍ର ଆତ୍ମହତ୍ୟା କରିବା ଘଟଣା ଅଞ୍ଚଳରେ ଚର୍ଚ୍ଚାର ପ୍ରସଙ୍ଗ ହୋଇଛି। ନିଜ ଘର ପାଖ ହୁଡ଼ିର ଏକ ବର ଗଛରେ ଫାଶୀ ଲଗାଇ ନାବାଳକ ଜଣକ ଆତ୍ମହତ୍ୟା କରିଛି। ମୃତ ଛାତ୍ର ଜଣକ ପାଟଣା ଥାନା ଅଞ୍ଚଳ ସାହାରପଡା ବ୍ଲକ ପିଙ୍ଗୁପାଟଣା ଗ୍ରାମର ବାସିନ୍ଦା ପିର୍ଥୀ ମୁର୍ମୁଙ୍କ ପୁଅ ଆକାଶ ମୁର୍ମୁ (୧୪)ବୋଲି ଜଣାପଡିଛି। ଆକାଶଙ୍କ ମାଆ ପୁଅକୁ ପ୍ରତିଦିନ ବିଦ୍ୟାଳୟକୁ ଯିବାକୁ ଗତକାଲି ତାଗିଦ କରିଥିଲେ। ଏହାପରେ ଆକାଶ ଗ୍ରାମରେ ଦିନ ସାଢେ ୧୨ଟା ଯାଏଁ ବୁଲାବୁଲି କରୁଥିବା ବେଳେ ଅପରାହ୍ନରେ ତାହାର ମୃତଦେହ ପାଖ ହୁଡ଼ି ବର ଗଛରେ ଝୁଲୁଥିବା ଦେଖି ପୁଲିସକୁ ଖବର ଦିଆଯାଇଥିଲା। ସାହାରପଡା ଫାଣ୍ଡି ଅଧିକାରୀ ଭବାନୀ ଶଙ୍କର ବାଦି ଘଟଣାର ତଦନ୍ତ କରିବା ସହ ଶବକୁ ଉଦ୍ଧାର କରିଥିଲେ। ଥାନାରେ ଏକ ଅପମୃତ୍ୟୁ ମାମଲା ୭୨/୨୦୨୪ ମୂଳେ ଆଜି ମୃତକର ପାଟଣାରେ ଶବ ବ୍ୟବଚ୍ଛେଦ କରାଯାଇ ତାଙ୍କ ପରିବାରକୁ ହସ୍ତାନ୍ତର କରାଯାଇଛି।
Popular Categories
Previous article
Next article