ଦେଖନ୍ତୁ ଭିଡିଓ: ଟିଏମସି ନେତାଙ୍କୁ କିପରି ଗୁଳିକରି ହତ୍ୟା କରିବାକୁ ଉଦ୍ୟମ କରୁଥିଲେ ଯୁବକ, ହେଲେ ବନ୍ଧୁକ ନ ଚାଲିବାରୁ ବର୍ତ୍ତିଗଲା ଜୀବନ

ସମାଜ ଡିଜିଟାଲ ଡେସ୍କ: କଲକାତାରେ ଜଣେ ଟିଏମସି ନେତାଙ୍କୁ ଗୁଳିକରି ହତ୍ୟା ଉଦ୍ୟମ କରାଯାଇଛି। କିନ୍ତୁ ଠିକ୍‌ ସମୟରେ ବନ୍ଧୁକ ନ ଚାଲିବାରୁ ବର୍ତ୍ତିଯାଇଛି ଟିଏମସି ନେତା। ଏହି ଘଟଣାର ପୂରା ଦୃଶ୍ୟ ଏବେ ସାମାଜିକ ଗଣମାଧ୍ୟମରେ ପ୍ରଘଟ ହେଉଛି।

ଭାଇରାଲ ହେଉଥିବା ଭିଡିଓରେ ଦେଖାଯାଇଛି ଯେ, କଲକାତା ମହାନଗର ନିଗମର କାଉନସିଲର ସୁଶାନ୍ତ ଘୋଷ ସନ୍ଧ୍ୟାରେ ଘର ବାହାରେ ନିଜ ସ୍ତ୍ରୀଙ୍କ ସହିତ ବସି କଥା ହେଉଛନ୍ତି। କିଛି ସମୟ ପରେ ଦୁଇ ଜଣ ଯୁବକ ଏକ ସ୍କୁଟିରେ ଆସି ସେଠାରୁ ଅଟକୁଛନ୍ତି। ପଛରେ ବସିଥିବା ଯୁବକ ବନ୍ଧୁକ ବାହାର କରି ସୁଶାନ୍ତଙ୍କ ଅତି ନିକଟକୁ ଯାଇ ଗୁଳି କରିବାକୁ ଉଦ୍ୟମ କରୁଛି। କିନ୍ତୁ ବନ୍ଧୁକରୁ ଗୁଳି ଫୁଟି ନାହିଁ। ସୁଶାନ୍ତ ଉକ୍ତ ଯୁବକଙ୍କୁ କାବୁ କରିବାକୁ ଚେଷ୍ଟା କରିଛନ୍ତି। ଯୁବକ ଜଣକ ସ୍କୁଟିରେ ଫେରାର ହୋଇଯାଉଥିବାବେଳେ ସୁଶାନ୍ତ ଏବଂ ଅନ୍ୟ ଜଣେ ବ୍ୟକ୍ତି ତାଙ୍କୁ ଗୋଡ଼ାଇ ଗୋଡ଼ାଇ ଧରିଛନ୍ତି। ଅନ୍ୟ ଜଣେ ଫେରାର ହୋଇଯାଇଛି। ପୁଲିସ ଉକ୍ତ ଅଭିଯୁକ୍ତକୁ ଗିରଫ କରି ତଦନ୍ତ ଚଳାଇଛି। ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି।

#TMC councillor targeted from point blank range in #Kolkata by 2 assailants. One arrested by @KolkataPolice @MamataOfficial @kmc_kolkata @SushantaKGhosh @AITCofficial pic.twitter.com/hHvWPAxG1k

— Tapas Sengupta (@k_tapas1) November 15, 2024