ନୂଆଦିଲ୍ଲୀ : ବିଶ୍ବର ଚତୁର୍ଥ ସବୁଠାରୁ ଅଧିକ ଜନସଂଖ୍ୟା ବିଶିଷ୍ଟ ଦେଶ ଇଣ୍ଡୋନେସିଆ ଆପଲର ଆଇଫୋନ୍ ୧୬ ଓ ଗୁଗଲର ବିକ୍ସେଲ ଫୋନକୁ ନିଜ ଦେଶରେ ବିକ୍ରି ନେଇ ପ୍ରତିବନ୍ଧକ ଲଗାଇଦେଇଛି । ଏହାର ଅର୍ଥ ଏଣିକି ଇଣ୍ଡୋନେସିଆରେ ରହୁଥିବା ଲୋକେ ଏହି ଫୋନ କିଣିପାରିବେନି ।
ଇଣ୍ଡୋନେସିଆ ସରକାର ଏକ ନିୟମ ପ୍ରସ୍ତୁତ କରିଛନ୍ତି । ନିୟମ ଅନୁସାରେ ଯେଉଁ କମ୍ପାନୀ ଦେଶରେ ଫୋନ୍ ବିକିବାକୁ ଚାହୁଁଛି ସେହି କମ୍ପାନୀକୁ ଇଣ୍ଡୋନେସିଆର କାରଖାନା ବସାଇବାକୁ ପଡିବ କିମ୍ବା ସଫ୍ଟଓ୍ବେୟାରରେ ପରିବର୍ତ୍ତନ କରିବା ପାଇଁ ସେଠାର ଲୋକଙ୍କୁ କାମରେ ରଖିବାକୁ ହେବ । ଆପଲ ଓ ଗୁଗଲ ଭଳି ବଡ କମ୍ପାନୀମାନେ ଏଭଳି ନିୟମରେ ରାଜି ନାହାଁନ୍ତି । ଏଥିପାଇଁ ଇଣ୍ଡୋନେସିଆ ସରକାର ଏହି କମ୍ପାନୀମାନଙ୍କ ଫୋନକୁ ବ୍ୟାନ୍ କରିଦେଇଛନ୍ତି ।
ଏଣିକି ଦେଶବାସୀଙ୍କ ଏହି ଫୋନ୍ କିଣିବାକୁ ହେଲେ ଅନ୍ୟ ଦେଶରୁ ମଗାଇବାକୁ ପଡିବ । ଇଣ୍ଡୋନେସିଆ ସରକାରଙ୍କ କହିବାନୁସାରେ କମ୍ପାନୀ ସେଠାରେ ପଇସା ଲଗାଇବା ଦ୍ବାରା କିମ୍ବା ସେଠାକାର ଲୋକଙ୍କୁ କାମରେ ରଖିବା ଦ୍ବାରା ଦେଶର ବିକାଶ ହେବ ।
Comments are closed.