କଣ୍ଟାବାଞ୍ଜି: ତୁରେକେଲା ପୁଲିସ ମହୁଲବାହଲି ଛକରୁ ରବିବାର ୬ ଦାଦନ ଶ୍ରମିକଙ୍କୁ ଉଦ୍ଧାର କରିଛି। ଜଣେ ସର୍ଦ୍ଦାର ଶ୍ରମିକମାନଙ୍କୁ ଏକ ଅଟୋ ରିକ୍ସାରେ ନେଉଥିବାବେଳେ ପୁଲିସ ଅଟକାଇ ଯାଞ୍ଚ କରିଥିଲା। ଶ୍ରମିକମାନଙ୍କୁ ଟ୍ରେନ ଯୋଗେ ତେଲେଙ୍ଗାନା ନେବାକୁ ଯୋଜନା ହୋଇଥିବା ଜାଣିବା ପରେ ପୁଲିସ ସେମାନଙ୍କୁ ଉଦ୍ଧାର କରିଥିଲା। ଶ୍ରମିକମାନେ ତେଲେଙ୍ଗାନାରେ ଇଟା ଭାଟିରେ କାମ କରିବା ଲାଗି ଜଣେ ସର୍ଦ୍ଦାର ସେମାନଙ୍କୁ ନେଉଥିଲା। ପୁଲିସକୁ ଦେଖି ସର୍ଦ୍ଦାର ଜଣକ ଘଟଣାସ୍ଥଳରୁ ଫେରାର ହୋଇଯାଇଛି। ଉଦ୍ଧାର ୬ ଶ୍ରମିକ ଗଡ଼ଗଡ଼ ବାହାଲ ଗାଁର। ସେମାନଙ୍କ ମଧ୍ୟରେ ୨ ପୁରୁଷ, ୩ ମହିଳା ଏବଂ ଜଣେ ନାବାଳିକା ଥିବା ଥାନା ଭାରପ୍ରାପ୍ତ ଅଧିକାରୀ ସୂଚନା ଦେଇଛନ୍ତି। ପୁଲିସ ଉକ୍ତ ଅଟୋ ରିକ୍ସାକୁ ଜବତ କରିଛି।
Comments are closed.