ସମାଜ ଡିଜିଟାଲ ଡେସ୍କ: ଇସ୍ରାଏଲ ଆକ୍ରମଣର ଜବାବ ଦେବ ଇରାନ। ଶନିବାର ଇସ୍ରାଏଲ ପକ୍ଷରୁ ଇରାନର ବିଭିନ୍ନ ସୈନ୍ୟ ଠିକଣା ଉପରେ ରକେଟ୍ ମାଡ଼ କରାଯିବା ପରେ ଏଭଳି ପ୍ରତିକ୍ରିୟା ପ୍ରକାଶ କରିଛି ଇରାନ ବୈଦେଶିକ ମନ୍ତ୍ରଣାଳୟ। ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, ଇରାନ ନିଜର ସୁରକ୍ଷା ପାଇଁ ପ୍ରତିଶ୍ରୁତିବଦ୍ଧ। ଇସ୍ରାଏଲ ଆକ୍ରମଣ କରି ଅନ୍ତର୍ଜାତୀୟ ଆଇନର ଉଲ୍ଲଂଘନ କରିଛି। ଏହାର ଉଚିତ ଜବାବ ଦିଆଯିବ ବୋଲି ତେହରାନ କହିଛି।
ସେପଟେ ଏହି ଆକ୍ରମଣକୁ ଲେବାନନ ଏବଂ ଇଜିପ୍ଟ ପକ୍ଷରୁ ନିନ୍ଦା କରାଯାଇଛି। ଇସ୍ରାଏଲ ଆକ୍ରମଣ ଫଳରେ ମଧ୍ୟପ୍ରାଚ୍ୟରେ ଉତ୍ତେଜନା ବୃଦ୍ଧି ପାଇବ ଏବଂ ଆଞ୍ଚଳିକ ଶାନ୍ତି ଓ ସ୍ଥିରତା ପ୍ରଭାବିତ ହେବ ବୋଲି ଇଜିପ୍ଟ କହିଛି। ଲେବାନନ ମଧ୍ୟ ଇସ୍ରାଏଲ ଆକ୍ରମଣକୁ ନିନ୍ଦା କରିବା ସହିତ ଇରାନ ସର୍ବଭୌମତର ଉଲ୍ଲଂଘନ ବୋଲି କହିଛି। ଆଞ୍ଚଳିକ ଏବଂ ଅନ୍ତର୍ଜାତୀୟ ଶାନ୍ତି ଓ ନିରାପତ୍ତା ପ୍ରତି ଏହା ବଡ଼ ବିପଦ ବୋଲି ଲେବାନନ କହିଛି।
Comments are closed.