ଛତ୍ରପୁର: ଗଞ୍ଜାମ ଜିଲା ସହ ରତନ ଟାଟାଙ୍କ ସମ୍ପର୍କ ଅଧିକ ରହିଛି। ସେ ଗଞ୍ଜାମକୁ ୭ ମେ ୨୦୧୮ ରେ ଆସି ପ୍ରଥମେ ଗୋପାଳପୁରର କିଛି ଅଚଂଳ ପରିଦର୍ଶନ କରିବା ସହ ଲୋକଙ୍କ ସହ ଆଲୋଚନା କରିଥିଲେ। ପରେ ଛତ୍ରପୁରରେ ଜାଗା ମିଶନ ଭଳି ଏକ ଯୁଗାନ୍ତକାରୀ ଯୋଜନାର ଶୁଭାରମ୍ଭ କରିଥିଲେ। ସେହି ସମୟରେ ତାଙ୍କ ସହ ତତ୍କାଳୀନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଭିନ୍ନ ମନ୍ତ୍ରୀ ଓ ଟାଟା ଟ୍ରଷ୍ଟର ଅଧିକାରୀମାନେ ମଧ୍ୟ ଉପସ୍ଥିତ ଥିଲେ। ପ୍ରଥମ ପର୍ଯ୍ୟାୟରେ ଗଂଜାମ ଜିଲାର ୭ଟି ଏନଏସି ଓ ହିଞ୍ଜିଳି ମ୍ୟୁନିସିପାଲଟି ଏହାସହ ପୁରୀ ଜିଲାର କୋଣାର୍କ ଏନଏସିର ସମୁଦାୟ ୧୯୭୩ ସହରାଚଂଳ ବସ୍ତି ବାସିନ୍ଦାଙ୍କ ଜମିଅଧିକାର ବଟଂନର ଶୁଭାରମ୍ଭ କରିଥିଲେ ରତନ ଟାଟା। ଏହାସହ ଓଡିଶା ବାସଉପଯୋଗୀ ବସତି ମିଶନର ମଧ୍ୟ ଶୁଭାରମ୍ଭ କରିଥିଲେ। ଏହି ଭଳି ଯୋଜନାରେ ଟାଟା ଗ୍ରୁପ ସହଯୋଗ କରିଥିବାରୁ ନବୀନ ପଟ୍ଟନାୟକ ତାଙ୍କୁ ସମ୍ମାନିତ କରିଥିଲେ। ପୂର୍ବରୁ ଟାଟା ଟ୍ରଷ୍ଟ ସହ ରାଜ୍ୟ ସରକାରଙ୍କ ଏହିସବୁ ଯୋଜନା ପାଇଁ ଏକ ଚୁକ୍ତିନାମା ହୋଇଥିଲା। ଗଞ୍ଜାମ ବାସୀ ରତନ ଟାଟାଙ୍କୁ ସର୍ବଦା ତାଙ୍କର ଅତୁଳନୀୟ ଅବଦାନ ପାଇଁ ମନେ ପକାଇବେ।
Comments are closed.