ଆଠଗଡ: ଆଠଗଡ ତାଲୁକ ଆଇନ ସେବା ସମିତି ଆନୁକୂଲ୍ୟରେ ମାନସିକ ଅନଗ୍ରସରଙ୍କ ପାଇଁ ଏକ ଆଇନ ସଚେତନତା ଶିବିର ବୁଧବାର ଅନୁଷ୍ଠିତ ହୋଇଯାଇଛି । ଦୋରଡସ୍ଥିତ ଡଃ ବ୍ରଜବିହାରୀ ମହାନ୍ତି ସ୍ମାରକୀ ମାନସିକ ଅନଗ୍ରସର ହିତକାରୀ ଟ୍ରଷ୍ଟଠାରେ ଆୟୋଜିତ ଏହି ଶିବିରକୁ ଆଇନ ସେବା ସମିତିର ଅଧ୍ୟକ୍ଷ ତଥା ଅତିରିକ୍ତ ଜିଲ୍ଲା ଓ ଦୌରାଜଜ ରାଜକୁମାର ଦାସ ଉଦଘାଟନ କରିବା ସହ ଏଥିରେ ଅଧ୍ୟକ୍ଷତା କରି ଉଦବୋଧନ ଦେଇଥିଲେ । ଏଡିଜେ ଶ୍ରୀ ଦାସ ମାନସିକ ଅନଗ୍ରସରଙ୍କୁ ହତାଦାର ନକରି ସେମାନଙ୍କ ଆଇନଗତ ଅଧିକାର ସମ୍ପର୍କରେ ଆଲୋକପାତ କରିବା ସହ ସେମାନଙ୍କୁ ଆଇନ ସେବା ସମିତି ମାଧ୍ୟମରେ କିପରି ମାଗଣାରେ ଆଇନ ସହାୟତା ମିଳିପାରିବ ସେ ବିଷୟରେ ବୁଝାଇଥିଲେ । ଏଥିରେ ସମ୍ମାନିତ ବକ୍ତା ଭାବେ ଆଇନଜୀବୀ ପ୍ରସନ୍ନ କୁମାର ରାଉତ ଓ ସୁପ୍ରଭା ଦୋରା ଯୋଗଦେଇ ମାନସିକ ଅନଗ୍ରସରଙ୍କୁ ସମସ୍ତ ପ୍ରକାରର ସହାୟତା ଓ ଚିକିତ୍ସା ବ୍ୟବସ୍ଥା କରାଇ ସମାଜର ମୁଖ୍ଯ ସ୍ରୋତରେ ସାମିଲ କରିବା ଲାଗି ସମସ୍ତେ ଉଦ୍ୟମ କରିବା ଦରକାର ବୋଲି ମତପ୍ରକାଶ କରିଥିଲେ । ସେମାନଙ୍କର ମୌଳିକ ଅଧିକାର ପାଇଁ ଆଇନରେ ଥିବା ପ୍ରାବଧାନ ବିଷୟରେ ସେମାନେ ଆଲୋଚନା କରିଥିଲେ । ଡଃ ବ୍ରଜବିହାରୀ ମହାନ୍ତି ଟ୍ରଷ୍ଟର ପରିଚାଳନା ଟ୍ରଷ୍ଟି ବିବେକାନନ୍ଦ ମହାନ୍ତି ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ ।
Comments are closed.