ନୂଆଦିଲ୍ଲୀ : ଟିଭିଏସ୍ ମୋଟର କମ୍ପାନୀ ନିଜ କମ୍ୟୁଟର ବାଇକ ରେଡିୟନର ନୂଆ ବେସ୍ ଭେରିଏଣ୍ଟର ବଜାର ପ୍ରବେଶ କରିଦେଇଛି, ଯାହା ଫଳରେ ଏହାର ଦାମ୍ ଆହୁରି କମିଯାଇଛି । ଟିଭିଏସ୍ ରେଡିୟନ୍ ଏବେ ଅଲ୍ ବ୍ଲାକ୍ କଲର ବିକଳ୍ପରେ ଉପଲବ୍ଧ ହେବ । ଏହାର ଦାମ୍ ୫୮,୮୮୦(ଏକ୍ସ-ଶୋରୁମ୍ ଦିଲ୍ଲୀ) ରଖାଯାଇଛି ଯାହା ପୂର୍ବ ଅପେକ୍ଷା ୨୫୨୫ ଟଙ୍କା କମ୍ । ରେଡିୟନ୍ ବେସ୍ ଟ୍ରିମ୍ ମିଡ୍ ଭେରିଏଣ୍ଟରୁ ୧୭,୫୧୪ ଶସ୍ତା ହୋଇଯାଇଛି । ରେଡିୟନ୍ ଏବେ ୩ ଭେରିଏଣ୍ଟ ବେସ୍, ଡିଜି ଡ୍ରମ୍, ଓ ଡିଜି ଡିସ୍କରେ ଉପଲବ୍ଧ ହେବ । ଏହି ବାଇକ ୬୩ କିଲୋମିଟର ପ୍ରତି ଲିଟର ମାଇଲେଜ୍ ପ୍ରଦାନ କରିବ ।
ଟିଭିଏସ୍ ରେଡିୟନରେ ୧୦୯.୭ ସିସି ଏୟାର କୁଲ୍ଡ, ସିଙ୍ଗଲ ସିଲିଣ୍ଡର ଇଞ୍ଜିନ୍ ମିଳେ ଯାହା ୭୩୫୦ ଆରପିଏମରେ ୮.୦୮ ବିଏଚପି ପାଓ୍ବର ଓ ୪୫୦୦ ଆରପିଏମରେ ୮.୭ ଏନଏମର ପିକ୍ ଚର୍କ ଉତ୍ପନ କରିବାରେ ସକ୍ଷମ । ଆଗ ପଟେ ଟେଲିସ୍କୋପିକ୍ ଫୋର୍କ୍ସ ଓ ରିୟରରେ ଟ୍ବିନ୍ ଶକ୍ ମିଳିବ । ଏଥିରେ ୧୦ ଲିଟର ବିଶିଷ୍ଟ ପେଟ୍ରୋଲ ଟ୍ୟାଙ୍କ ମିଳିବ । ଏହାର ଓଜନ ୧୧୩ କିଲୋଗ୍ରାମ(ଡ୍ରମ୍) ଓ ୧୧୫ କିଲୋଗ୍ରାମ(ଡିସ୍କ) । ଏଥିରେ ୧୮୦ ଏମଏମର ଗ୍ରାଉଣ୍ଡ କ୍ଲିୟରାନ୍ସ ମିଳିବ । ବାଇକର ସମସ୍ତ ଭେରିଏଣ୍ଟରେ ୧୮ ଇଞ୍ଚର ଆଲୟ ହ୍ବିଲ୍ ମିଳୁଛି । କଲର ଏଲସିଡି ସହ ୟୁଏସବି ଚାର୍ଜିଂ ପୋର୍ଟ ମଧ୍ୟ ଏହି ବାଇକରେ ମିଳୁଛି ।
Comments are closed.