ପାଟଣା: ବିଶ୍ୱ ଭ୍ରାତୃତ୍ୱ ଦିବ୍ୟାତ୍ମା ପରିଷଦ କ୍ଷିତିଜ୍ୟୋତିଃ ଆଶ୍ରମ ଘଟଗାଁ ଶାଖା ତରଫରୁ ଘଟଗାଁ ବ୍ଲକର ସାନ୍ତରାପୁର ଗ୍ରାମ ପଂଚାୟତ ଅନ୍ତର୍ଗତ କୁଲାଡେରା ଗ୍ରାମର ଦିବ୍ୟାଙ୍ଗ ଜୁଆଙ୍ଗ ପିଲାମାନଙ୍କୁ ପୋଷାକ ଓ ଛାତ୍ରଛାତ୍ରୀ ମାନଙ୍କୁ ଫଳ ପୁଡିଆ ବଣ୍ଟନ କରାଯାଇଛି। ଏଥିରେ ମୁଖ୍ୟ ଅତିଥି ଭାବରେ ଅବସରପ୍ରାପ୍ତ ଶିକ୍ଷାଵିତ ପଦ୍ମନାଭ ନାୟକ ଓ ସମ୍ମାନିତ ଅତିଥି ରୂପେ ପ୍ରଧାନ ଶିକ୍ଷକ ନାରଦ ଜୁଆଙ୍ଗ ଯୋଗଦେଇ ୪ ଜଣ ଭିନ୍ନକ୍ଷମ ଜୁଆଙ୍ଗ ପିଲାଙ୍କୁ ପୋଷାକ ଓ ପାଖାପାଖି ୪୦ ଜଣ ଛୋଟ ଛୋଟ ପିଲାମାନଙ୍କୁ ସେଓ, କମଳା, ଅଙ୍ଗୁରୁ, ଡାଳିମ୍ବ, କଦଳୀ ଓ ନାଶପାତି ଥିବା ଫଳ ପୁଡିଆ ପ୍ରଦାନ କରିବା ସହିତ ୨୦ ଗୋଟି ଅଭାବି ପରିବାରକୁ ମଶା ଦାଉରୁ ରକ୍ଷା ପାଇବା ପାଇଁ ମଶାରୀ ବଣ୍ଟନ କରିଛନ୍ତି। କାର୍ଯ୍ୟକ୍ରମ ପରିଚାଳନା କରିଥିଲେ କେନ୍ଦ୍ର ସଂଗଠକ ବାବାଜୀ ଚରମାନନ୍ଦ ଦାସ ପ୍ରତାପ ଓ କେନ୍ଦ୍ର ପରିଚାଳଳ ଅର୍ଜୁନ ଚରଣ ମହାନ୍ତ । କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ଗୁରୁଚରଣ ମହାନ୍ତ ଓ ଭଗବାନ ବେହେରା, ନାରଦ ଜୁଆଙ୍ଗ ଓ ସରସ୍ବତୀ ଜୁଆଙ୍ଗ।
Comments are closed.