ନୂଆଦିଲ୍ଲୀ : ବିଏସଏନଏଲ ଏକ ଜବରଦସ୍ତ ନୂଆ ରିଚାର୍ଜ ପ୍ଲାନ୍ ଆଣିଛି । ଏହାକୁ ଏକ ଶସ୍ତା ରିଚାର୍ଜ ପ୍ଲାନ୍ ବୋଲି କୁହାଯାଉଛି । ଏହି ପ୍ଲାନ୍ ଲଞ୍ଚ ହେବା ପରେ ଜିଓ ଓ ଏୟାରଟେଲ୍ର ଚିନ୍ତା ବଢି ଯାଇଥିବା ଆଲୋଚନା ହେଉଛି । ଜିଓ ଓ ଏୟାରଟେଲ୍ ପକ୍ଷରୁ ୩୪୫ ଟଙ୍କାରେ ୩୦ ଦିନ ପର୍ଯ୍ୟନ୍ତ ୧ ଜିବି ଡାଟା ସହ ଆସୁଛି । ମାତ୍ର ବିଏସଏନଏଲ ପକ୍ଷରୁ ୩୪୫ ଟଙ୍କାରେ ୬୦ ଦିନ ପର୍ଯ୍ୟନ୍ତ ଦୈନିକ ୧ ଜିବି ଡାଟା ଅଫର୍ ଦିଆଯାଉଛି।
ଜିଓ, ଏୟାରଟେଲ୍ ଓ ଭୋଡାଫୋନ୍ ନିକଟରେ ରିଚାର୍ଜ ପ୍ଲାନ୍ ବୃଦ୍ଧି କରିଥିବା ବେଳେ ବିଏସଏନଏଲ ଏହି ନୂଆ ରିଚାର୍ଜ ପ୍ଲାନ୍ ଆଣିଛି । ବିଏସଏନଏଲ ନୂଆ ରିଚାର୍ଜ ପ୍ଲାନ ୪୦୦ ଟଙ୍କାରୁ କମ୍ ଦାମ୍ରେ ଆସୁଛି । ମାଗଣା କଲିଙ୍ଗ୍, ଡାଟା ଓ ମେସେଜ୍ ସହ ଅନ୍ୟାନ୍ୟ ସୁବିଧା ମଧ୍ୟ ରହିଛି।
ଏହି ପ୍ଲାନ୍ରେ ୬୦ ଦିନ ସମୟ ସୀମା ପର୍ଯ୍ୟନ୍ତ ସମସ୍ତ ସୁବିଧା ମିଳିବ । ନିୟମିତ ୧୦୦ ଏସଏମଏସ, କଲିଙ୍ଗ୍ ସହ ଦୈନିକ ୧ ଜିବି ଡାଟା ମିଳିବ।
ଜିଓ, ଏୟାରଟେଲ ଓ ଭୋଡାଫୋନ୍-ଆଇଡିଆର ରିଚାର୍ଜ ପ୍ଲାନ୍ ମହଙ୍ଗା ହେବା ପରେ ଜୁଲାଇ ୨୦୨୪ରେ ବିଏସଏନଏଲ ସହ ୨୯.୪ ଲକ୍ଷ ନୂଆ ଉପଭୋକ୍ତା ଯୋଡି ହୋଇଛନ୍ତି । ଜୁଲାଇ ପରେ ଜିଓର ୭,୫୦,୦୦୦ ଉପଭୋକ୍ତା ଓ ଏୟାରଟେଲ୍ର ୧୬.୯ ଲକ୍ଷ ବ୍ୟବହାରକାରୀ ମୁହଁ ଫେରାଇ ନେଇଥିବା ଜଣାପଡିଛି । ବିଏସଏନଏଲ ଲଗାତାର ନିଜର ନେଟୱର୍କକୁ ଉନ୍ନତ କରିବା ସହ ୪ଜି ଓ ୫ଜି ନେଟୱର୍କ ବଢାଇବାକୁ କାମ ଜାରି ରଖିଛି।
ଦେଖନ୍ତୁ ଭିଡିଓ ; ହାତୀ ସାମ୍ନାରେ ଯାଉଥିଲେ, ଓଲଟିଗଲା ଅଟୋ, ଦୌଡିଲେ ଲୋକେ..
ମନ୍ଦିରରୁ ପୂଜାରୀଙ୍କୁ ନେଇଗଲା ବାଘ; ମଣିଷଖିଆ ବାଘ ୧୦ ଦିନରେ କଲାଣି ୬ ଶିକାର..
