ସମ୍ବଲପୁର: ସମ୍ବଲପୁର ଜିଲା କ୍ରିଡା ସଂଘ ଆନୁକୂଲ୍ୟ ଏବଂ ଜିଲା ପ୍ରଶାସନ ଓ ଫୁଟବଲ ଏସୋସିଏସନ ଅଫ ଓଡ଼ିଶାର ସହଯୋଗରେ ସର୍ବ ଭାରତୀୟ ବୀର ସୁରେନ୍ଦ୍ର ସାଏ ଫୁଟବଲ ଚାମ୍ପିୟନସିପ ୨୦୨୪ ଆରମ୍ଭ ହୋଇଛି। ୨ଟି ବର୍ଗରେ ଆୟୋଜିତ ହେବାକୁ ଥିବା ଏହି ମ୍ୟାଚ ଗୁଡିକରେ ପୁଲ – ଏରେ ଝାରଖଣ୍ଡ ଚକ୍ରଧରପୁରର ସ୍ପୋଟିଂ କ୍ଲବ, ଓଡ଼ିଶା ଭୁବନେଶ୍ୱରର ଜଗା ୟୁନାଇଟେଡ, ସମ୍ବଲପୁର ଫୁଟବଲ ଏକାଡେମୀ ଓ ମହାରାଷ୍ଟ୍ର ନାଗପୁରର ନାଗପୁର ବ୍ଲୁ ଏସସି ଏବଂ ପୁଲ – ବିରେ ପଶ୍ଚିମବଙ୍ଗ କୋଲକତାର ହାଲିଶଙ୍କର ସରସ୍ୱତୀ କ୍ଲବ, ଓଡ଼ିଶା କଟକର ରାଧାରମଣ କ୍ଲବ, ବିଶାଖାପଟନମର ଇଷ୍ଟ କୋଷ୍ଟ ରେଳବାଇ ଓ ବିହାର ବକ୍ସରର ମା କାମାକ୍ଷା ସ୍ପୋର୍ଟ୍ସ କ୍ଲବ ଭାଗ ନେଉଛନ୍ତି। ଉଦଘାଟନୀ ଦିବସରେ ପ୍ରଥମ ମ୍ୟାଚ ଭୁବନେଶ୍ୱରର ଜଗା ୟୁନାଇଟେଡ ଓ ଝାରଖଣ୍ଡ ଚକ୍ରଧରପୁରର ସ୍ପୋଟିଂ କ୍ଲବ ମଧ୍ୟରେ ଅନୁଷ୍ଠିତ ହୋଇଥିଲା। ସଂଘର୍ଷପୁର୍ଣ୍ଣ ମ୍ୟାଚରେ ଜଗା ୟୁନାଇଟେଡ ଦଳ ୨ – ୧ ଗୋଲରେ ଚକ୍ରଧରପୁର ଦଳକୁ ହରାଇ ପରବର୍ତ୍ତୀ ପର୍ଯ୍ୟାୟକୁ ଉନ୍ନୀତ ହୋଇଛି। ଉଦଘାଟନୀ ଉତ୍ସବରେ ସମ୍ବଲପୁର ବିଧାୟକ ଜୟନାରାୟଣ ମିଶ୍ର ମୁଖ୍ୟ ଅତିଥି ରୂପେ ଯୋଗ ଦେଇଥିଲେ। ସମ୍ମାନୀତ ଅତିଥି ରୂପେ ସରୋଜ ଦଲପତ, ରାମଦାସ ପଣ୍ଡା ଓ ପୃଥ୍ୱୀରାଜ ମିଶ୍ର ଉପସ୍ଥିତ ରହିଥିଲେ। ପ୍ରତିଯୋଗିତାରେ ଜିଲା କ୍ରିଡା ସଂଘର ସାଧାରଣ ସମ୍ପାଦକ ସୁନୀଲ କୁମାର ସାହୁ, ସଚିବ ଅବଦୁଲ ଗଫାର, ଜିଲା କ୍ରିଡା ସଚିବ ବିକାଶ କେଶର ମିଶ୍ର, କାଉନସିଲ ସଦସ୍ୟ ସୁବୋଧ ସାହୁ, ଗୋପାଳ ନନ୍ଦ, ମହମ୍ମଦ ଇସାକଙ୍କ ସମେତ ଅନ୍ୟ ସଦସ୍ୟ ମାନେ ଉପସ୍ଥିତ ରହିଥିଲେ। ରବିବାର ଦିନ ସମ୍ବଲପୁର ଫୁଟବଲ ଏକାଡେମୀ ଓ ନାଗପୁର ବ୍ଲ୍ୟୁ ଏସସି ମଧ୍ୟରେ ପ୍ରତିଯୋଗିତା ଆୟୋଜିତ ହେବ। ଏହି ଚାମ୍ପିୟନସିପର ଫାଇନାଲ ମ୍ୟାଚ ୪ ତାରିଖରେ ଆୟୋଜିତ ହେବ।
Comments are closed.