ପାଟଣା: ଘଟଗାଁ ବ୍ଲକ ଅନ୍ତର୍ଗତ ଭୋଳବେଡା ପଞ୍ଚାୟତ ରାଇକୁଦର ଗ୍ରାମର ତରଣିସେନ ଲୋହାର(୪୦) ନାମକ ଜଣେ ଶ୍ରମଜୀବିଙ୍କର ଗତ ୧୯ ତାରିଖରେ ବେଙ୍ଗାଲୁରୁରେ ସ୍ୱାସ୍ଥ୍ୟଗତ କାରଣରୁ ମୃତ୍ୟୁ ଘଟିଥିଲା। ସେ ପତ୍ନୀ ଓ ଏକମାତ୍ର ପୁତ୍ରକୁ ଧରି ବେଙ୍ଗାଲୁରୁରେ ଜଣେ ଶ୍ରମଜୀବି ଭାବେ କାର୍ଯ୍ୟ କରୁଥିଲେ। ତରଣିସେନଙ୍କ ମୃତ୍ୟୁରେ ପରିବାର ଭାଙ୍ଗି ପଡିଥିବା ବେଳେ ବେଙ୍ଗାଲୁରୁରେ ମୃତଦେହ ଆଣିବା ପାଇଁ ସମ୍ପର୍କୀୟମାନେ କେନ୍ଦୁଝର ସାଂସଦ ଅନନ୍ତ ନାୟକଙ୍କ ସହାୟତା ଲୋଡିଥିଲେ। ସାଂସଦ ନାୟକ ଯଥାଶୀଘ୍ର କେନ୍ଦୁଝର ଜିଲ୍ଲା ଶ୍ରମ ଅଧିକାରୀ ସୂର୍ଯ୍ୟ ନାରାୟଣ ମାଳିଙ୍କ ସହ ଯୋଗାଯୋଗ କରି ତରଣିସେନଙ୍କ ମୃତଦେହ ଗ୍ରାମକୁ ଆଣି ବ୍ୟବସ୍ଥା କରିଥିଲେ। ଗତକାଲି ସାଂସଦ ନାୟକଙ୍କ ପ୍ରଚେଷ୍ଟା ଫଳରେ ଶନିବାର ସନ୍ଧ୍ୟା ପାଖାପାଖି ୭ଟା ସମୟରେ ତରଣିସେନଙ୍କ ମର ଶରୀର ରାଇକୁଦର ଗ୍ରାମରେ ପହଞ୍ଚିଛି। ଉଡାଯାହାଜରେ ମରଶରୀର ଭୁବନେଶ୍ୱର ଆସିବା ପରେ ଆଜି ଅପରାହ୍ନରେ ସାଂସଦଙ୍କ ପ୍ରତିନିଧିମାନେ ବିମାନ ବନ୍ଦରରୁ ମୃତଦେହକୁ ଗ୍ରାମକୁ ପଠାଇବାର ବ୍ୟବସ୍ଥା କରିଥିଲେ।
Comments are closed.