ଗଞ୍ଜାମ: ଆସିକା-ହିଞ୍ଜିଳି ଥାନା ଅନ୍ତର୍ଗତ ପିତଳ ଥାନା ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଟ୍ରକ-ପିକଅପ୍ ଭ୍ୟାନ ଧକ୍କା ଦୁଇ ଶ୍ରମିକଙ୍କ ମୃତ୍ୟୁ ହୋଇଥିବା ବେଳେ ଡ୍ରାଇଭର ଗୁରୁତର ହୋଇଥିବା ସୂଚନା ମିଳିଛି। ବୁଧବାର ବିଳମ୍ବିତ ରାତିରେ ଦୁର୍ଘଟଣା ଘଟିଥିଲା। ପରିବା ବୋଝେଇ ଏକ ପିକଅପ୍ ଭ୍ୟାନ ଭଣ୍ଡାରୀସାହିରୁ ବ୍ରହ୍ମପୁର ଅଭିମୁଖେ ଯାଉଥିବା ବେଳେ ପିତ୍ତଳ ଛକଠାରେ ଟ୍ରକକୁ ଓଭରଟେକ କରିବା ସମୟରେ ଏଭଳି ଦୁର୍ଘଟଣା ଘଟିଛି। ମୃତକ ହେଲେ ସୁନ୍ଦରାପଲ୍ଲୀ ଗାଁର ସୁମନ ଗନ୍ତାୟତ ଓ ସରଧାପୁର ଗାଁର ଅଜିତ ବଡତ୍ୟା। ହିଞ୍ଜିଳି ପୁଲିସ ଘଟଣା ସ୍ଥଳରେ ପହଞ୍ଚି ଗାଡିର କାଚ କାଟି ଦୁଇ ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଛି। ଗୁରତର ଥିବା ଡ୍ରାଇଭର ମେଡିକାଲରେ ଭର୍ତ୍ତି ହୋଇଛନ୍ତି।
Comments are closed.