ନୂଆଦିଲ୍ଲୀ : ଏମଜି ଓ୍ବିଣ୍ଡସୋର ଇଭି ଭାରତୀୟ ଇଲେକ୍ଟ୍ରିକ୍ ଗାଡି ବଜାରରେ ପ୍ରବେଶ କରିବା ପରେ ହଇଚଇ ସୃଷ୍ଟି କରିଛି । ଏହି ଇଲେକ୍ଟ୍ରିକ୍ ଏସୟୁଭି କେବଳ ନିଜ ଲୁକ୍ ପାଇଁ ନୁହେଁ, ବରଂ ନିଜ ବିଳାସପୂର୍ଣ୍ଣ କାର୍ ଭିତର ସାଜସଜ୍ଜା ପାଇଁ ମଧ୍ୟ ବେଶ୍ ଆଦୃତ ହୋଇପାଇଛି । ଏହି ଗାଡି ଭିତରେ ବସିଲେ ବିମାନରେ ବସିବା ଭଳି ଅନୁଭବ ହେବ ବୋଲି କମ୍ପାନୀ ଦାବି କରିଛି ।
ଯାତ୍ରୀଙ୍କ ଯାତ୍ରା ଆରାମଦାୟକ କରିବା ପାଇଁ ଏଥିରେ ଅନେକ ସୁବିଧା ଦିଆଯାଇଛି । ସିଟରେ ହାଇ-କ୍ବାଲିଟି ଲେଦର ଅପହୋଲଷ୍ଟ୍ରି, ଇଲେକ୍ଟ୍ରିକ୍ ଆଡଜଷ୍ଟମେଣ୍ଟ, ଏବଂ ମସାଜ୍ ଭଳି ସୁବିଧା ମଧ୍ୟ ରହିଛି । କାରରେ ଏକ ବଡ ପାନାରମିକ୍ ସନରୁଫ୍ ଦିଆଯାଇଛି । ବିମାନର ବିଜନେସ୍ କ୍ଲାସ ଭଳି ଏହି ଇଭିର ପଛ ସିଟକୁ ଫ୍ଲାଟ୍ ବେଡରେ ପରିବର୍ତ୍ତନ କରିହେବ ।
ଗାଡିରେ ଭଏସ୍ କମାଣ୍ଡ, ନେଭିଗେସନ, ୮.୮ ଇଞ୍ଚର ଟିଏଫଟି ଡିସପ୍ଲେ, ୩୬୦ ଡିଗ୍ରୀ କ୍ୟାମେରା ଆଦି ଅନେକ ଫିଚର ଦିଆଯାଇଛି । କାରରେ ୩୮ କେଡବ୍ଲୁଏଚର କ୍ଷମତା ବିଶିଷ୍ଟ ଲିଥିୟମ୍ ଫେରୋ ଫସଫେଟ୍ ବ୍ୟାଟେରୀ ମିଳିବ । ଏହାକୁ ଥରେ ଚାର୍ଜ କଲେ ୩୩୧ କିଲୋମିଟର ଯାତ୍ରା କରିହେବ । ଏଥିରେ ଅଟୋମେଟିକ୍ ହେଡଲ୍ୟାମ୍ପ, ଇଲେକ୍ଟ୍ରିକ୍ ସାଇଡ୍ ମିରର, ଅଟୋ ରେନ୍ ସେନ୍ସିଂ ଓ୍ବାଇପର୍ସ ଆଦି ଅତ୍ୟାଧୁନିକ ଫିଚର ମିଳିବ । ଏହାକୁ ୯.୯୯ ଲକ୍ଷ ଟଙ୍କା (ଏକ୍ସ ଶୋରୁମ୍) ଦାମରେ ଲଞ୍ଚ କରାଯାଇଛି ।
Comments are closed.