ଆରଡି: ଭଦ୍ରକ ଜିଲା ଆରଡିପୀଠ ନିକଟ ନାନ୍ଦପୁର ପଞ୍ଚାୟତରେ ବାଙ୍କମୁଆଁଠାରୁ ଆରଡିପୀଠ ୪ କି.ମି. ରାସ୍ତା ଓ ତାରିଣୀଛକଠାରୁ ଧାନକଣିଆ ୩କିମି ରାସ୍ତାରେ ଭଦ୍ରକ ବନଖଣ୍ଡ ବିଭାଗ ଓ ଗ୍ରାମବାସୀଙ୍କ ମିଳିତ ଭାବେ ୪୯୦୦ ଚାରା ରୋପଣ କାର୍ଯ୍ୟ ବୁଧବାରଠାରୁ ଆରମ୍ଭ ହୋଇଛି। ପରିବେଶ ସୁରକ୍ଷା ପାଇଁ ପଞ୍ଚାୟତର ବାଙ୍କମୁଆଁ, ନାନ୍ଦପୁର, କୋଇଲିଖା, ପହଣା, ଭୂଇଁପୁର, ପାଲଟପୁର ଆଦି ଗାଁରୁ ଶତାଧିକ ଲୋକ ଆସି ପୂଜାର୍ଚ୍ଚନା କରିବା ସହ ଚାରା ଲଗାଇଥିଲେ। ଏହାର ରକ୍ଷଣାବେକ୍ଷଣ ଓ ସୁରକ୍ଷା ପାଇଁ ଚତୁଃପାର୍ଶ୍ବରେ ଜାଲବାଡ ଲଗାଇଛନ୍ତି ଗ୍ରାମବାସୀ। ପରିବେଶ ସୁରକ୍ଷା ଉଦେଶ୍ୟରେ ଏହି ପଦକ୍ଷେପ ନିଆଯାଇଥିବା ଗାଁ ମୁରବୀମାନେ କହିଛନ୍ତି। ଚାରା ରୋପଣ କାର୍ଯ୍ୟରେ ଭଦ୍ରକ ବନଖଣ୍ଡ ବିଭାଗର ଅଧିକାରୀଙ୍କ ସହ କାର୍ତ୍ତିକ ବିଶ୍ବାଳ, ସରୋଜ ଦାସ, ପ୍ରସନ୍ନ ଜେନା, ସପନ ନାୟକ, ଗୟାଧର ବିଶ୍ବାଳ, ମହନୀ ରାୟ ପ୍ରମୁଖ ଉପସ୍ଥିତ ଥିଲେ।
Popular Categories
Previous article
Next article