ବାସୁଦେବପୁର : ପୂର୍ବ ଶତ୍ରୁତାକୁ କେନ୍ଦ୍ର କରି ମାରପିଟ ଏବଂ ଧାରୁଆଅସ୍ତ୍ରରେ ଆକ୍ରମଣ ସହିତ ଘର ଭାଙ୍ଗିରୁଜି ଦେଇଥିବା ଅଭିଯୋଗ ଆସିଛି । ଏମିତି ଅଭିଯୋଗ ବାସୁଦେବପୁର ଥାନା ଅଧିନ ବ୍ରାହ୍ମଣଗାଁ ସାହୁସାହିର ବୋଲି ଜଣାପଡିଛି । ଅଭିଯୋଗ ମୁତାବକ ମନୋରମା ସାହୁ ଓ ପୁଷ୍ପଲତା ସାହୁଙ୍କ ପରିବାର ମଧ୍ୟରେ ଜମିଜମା ବିବାଦକୁ କେନ୍ଦ୍ର କରି ପୂର୍ବରୁ ଶତ୍ରୁତା ଲାଗିରହିଥିଲା । ଆଜି ଏହି ବିବାଦ ଉଗ୍ର ରୂପ ନେଇଥିଲା ଏବଂ ପୂର୍ବ ଶତ୍ରୁତାକୁ କେନ୍ଦ୍ର କରି ପ୍ରଥମେ ବଚସା ପରେ ମାରପିଟର ରୁପ ନେଇଥିଲା । ମାରପିଟ ସମୟରେ ପୁଷ୍ପଲତାଙ୍କ ପୁଅକୁ ମାରଣାସ୍ତ୍ରରେ ଆକ୍ରମଣ କରାଯାଇଛି। ଏହାପରେ ଆକ୍ରୋଶ ମୁତାବକ ଅପରପକ୍ଷ ମନୋରମାଙ୍କ ଆଜବେଷ୍ଟସ ଘରକୁ ଭାଙ୍ଗି ଦେଇଥିବାକୁ ନେଇ ଥାନାରେ ଲିଖିତ ଅଭିଯୋଗ ହୋଇଛି । ଲିଖିତ ଅଭିଯୋଗକୁ ଭିତ୍ତି କରି ପୁଲିସ ତଦନ୍ତ ଜାରି ରଖିବା ସହିତ ଏହି ଘଟଣାରେ ସଂପୃକ୍ତ ତିନିଜଣଙ୍କୁ ଅଟକ ରଖି ପଚରାଉଚୁରା କରୁଛି ବୋଲି ତଦନ୍ତକାରୀ ପୁଲିସ ଅଧିକାରୀ ଜିତେନ୍ଦ୍ର ନାୟକ ସୂଚନା ଦେଇଛନ୍ତି । ତେବେ ଏହି ଘଟଣାରେ ଗୁରୁତର ପୁଷ୍ପଲତାଙ୍କ ପୁଅ ଉମାକାନ୍ତ ଗୁରୁତର ଭାବରେ ଚିକିତ୍ସାଧିନ ରହିଥିବା ପୁଲିସ କହିଛି ।
Popular Categories
Previous article
Next article