ନୂଆଦିଲ୍ଲୀ : ଦେଶରେ ଇଲେକ୍ଟ୍ରିକ୍ ଗାଡି ଚାହିଦା ବଢିବାରେ ଲାଗିଛି । ଏହି କାରଣରୁ ଆଗାମୀ ୨ ବର୍ଷରେ ଇଭିର ଖର୍ଚ୍ଚ ପେଟ୍ରୋଲ ଓ ଡିଜେଲ ଗାଡି ସହ ସମାନ ହୋଇଯିବ । କେନ୍ଦ୍ର ସଡକ ପରିବହନ ଏବଂ ରାଜମାର୍ଗ ମନ୍ତ୍ରୀ ନୀତିନ ଗଡକରୀଙ୍କ ତରଫରୁ ସୋମବାର ଏହି ବୟାନ ଦିଆଯାଇଛି । ଅଟୋମେଟିଭ୍ କମ୍ପୋନେଣ୍ଟ ମାନୁଫ୍ୟାକ୍ଚର୍ସ ଆସୋସିଏସନ୍ ଅଫ୍ ଇଣ୍ଡିଆ ତରଫରୁ ଆୟୋଜିତ କାର୍ଯ୍ୟକ୍ରମରେ ସେ ସଡକ ସୁରକ୍ଷାକୁ ବଢାଇବା ଦିଗରେ ଗୁରୁତ୍ବାରୋପ କରିଛନ୍ତି ।
ସେ ଆଗକୁ କହିଛନ୍ତି କି ସେ ଇଲେକ୍ଟ୍ରିକ୍ ଗାଡି ପାଇଁ କୌଣସି ପ୍ରକାର ରିହାତି ବିରୁଦ୍ଧରେ ସେ ନାହାଁନ୍ତି । ଏହା ଗ୍ରାହକଙ୍କୁ ଆକର୍ଷିତ କରିଥାଏ ବୋଲି ସେ କହିଛନ୍ତି । ନୂଆ ଇଭି ପଲିସି ଅନୁସାରେ କମ୍ପାନୀମାନଙ୍କୁ ଭାରତରେ ନିର୍ମାଣ ସୁବିଧା ପାଇଁ ସର୍ବନିମ୍ନ ୪୧୫୦ କୋଟି ଟଙ୍କାର ନିବେଶ କରିବାକୁ ହେବ ଏବଂ ୩ ବର୍ଷରେ ଉତ୍ପାଦନ ଆରମ୍ଭ କରିବାକୁ ହେବ । ଏହି ସମୟରେ କମ୍ପାନୀକୁ ଅତିକମରେ ୨୫ ପ୍ରତିଶତ ଡୋମେଷ୍ଟିକ୍ ଭାଲ୍ୟୁ ଏଡିସନ୍ କରିବାକୁ ହେବ । ସେ ଏହା ମଧ୍ୟ କହିଛନ୍ତି କି ଉତ୍ପାଦନକୁ ପ୍ରୋତ୍ସାହିତ କରିବା ପାଇଁ ସରକାର ସବୁ ସମ୍ଭବ ସହାୟତା କରିବେ ।
