ପାଟଣା: ଆଜି ସଂଧ୍ୟାରେ ୨୦ ନଂ ଜାତୀୟ ରାଜପଥ ଅନ୍ତର୍ଗତ ଢେଙ୍କିକୋଟ ନିକଟସ୍ଥ ଲଙ୍ଗଳକଣ୍ଟି-ଢେଙ୍କିକୋଟ ମଧ୍ୟରେ ଘଟଗାଁ ଆଡୁ କେନ୍ଦୁଝର ଆଡକୁ ଯାଉଥିବା ଏକ ଅଜଣା ଗାଡି ଧକ୍କାରେ ଜଣେ ଗାଡି ଚାଳକଙ୍କର ଶୋଚନୀୟ ମୃତ୍ୟୁ ଘଟିଛି । ଗାଡି ଚାଳକ ସାନ୍ତରାପୁର ଗ୍ରାମର ବସନ୍ତ ଦାସ (୫୭) ଲଙ୍ଗଳକଣ୍ଟି କାଜୁ ବଗିଚା ପଟୁ ଜାତୀୟ ରାଜପଥରେ ଚାଲି ଚାଲି ଢେଙ୍କିକୋଟ ବଜାରକୁ ଆସୁଥିବା ସମୟରେ ସଂଧ୍ୟା ପାଖାପାଖି ୭ ଟା ସମୟରେ ଅଜଣା ଗାଡ଼ି ତାଙ୍କୁ ଧକ୍କା ଦେଇ ତାଙ୍କ ଉପରେ ଚଢି ଯାଇଥିଲା। ଫଳରେ ତାଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା। ଢେଙ୍କିକୋଟ ଫାଣ୍ଡି ଅଧିକାରୀ ତ୍ରିନାଥ ନାଏକ ସଙ୍ଗେ ସଙ୍ଗେ ଆମ୍ବୁଲାନ୍ସ ଯୋଗେ ମୃତଦେହକୁ ଘଟଗାଁ ଡାକ୍ତରଖାନା ପଠାଇ ଦୁର୍ଘଟଣାର ତଦନ୍ତ କରୁଛନ୍ତି।
Comments are closed.