ଯୁଗ ଅନୁସାରେ ଫେଶନ୍ ଓ ଷ୍ଟାଇଲ୍ ସବୁକିଛି ପରିବର୍ତ୍ତନ ହେଉଛି । ଗତ କିଛି ବର୍ଷ ମଧ୍ୟରେ ବେଲ୍ଟର ପରିଭାଷା ବଦଳି ଯାଇଛି । ଫେଶନ୍ ଡିଜାଇନରଙ୍କ ମତରେ ଏବର ପିଢ଼ି ବେଲ୍ଟ ପିନ୍ଧିବାକୁ ଅଧିକ ପ୍ରାଧାନ୍ୟ ଦେଉଛନ୍ତି, ଏହା ସହ ବଜାରରେ ବିଭିନ୍ନ ଡିଜାଇନ୍ ଥିବା ବେଲ୍ଟ ମଧ୍ୟ ଉପଲବ୍ଧ ହେଉଛି ।
ଏ ବାବଦରେ ସାଧାରଣ ବର୍ଗ ଲୋକଙ୍କୁ ଆୟୁର୍ବେଦୀୟ ବିଶେଷଜ୍ଞ ଡା: ଅବରାର୍ ମୁଲତାନି ସଚେତନ କରାଇଛନ୍ତି।
ନିୟମିତ ଭାବେ ବେଲ୍ଟ ପିନ୍ଧିବା ସ୍ବାସ୍ଥ୍ୟ ପାଇଁ ଖୁବ୍ ହାନିକାରକ । ପେଟକୁ ଚାପି ବେଲ୍ଟ ପିନ୍ଧୁଥିବା ବ୍ୟକ୍ତିଙ୍କର ବିଭିନ୍ନ ସମସ୍ୟା ଉପୁଜିଥାଏ ବୋଲି ପରୀକ୍ଷାରୁ ଜଣାପଡ଼ିଛି । ଏହା କାରଣରୁ ହାଡ଼ ବିନ୍ଧା ଆରମ୍ଭ ହୁଏ ।
ଟାଇଟ୍ କରି ବେଲ୍ଟ ପିନ୍ଧିଲେ ଖାଦ୍ୟ ଠିକ୍ ଭାବେ ହଜମ ହୁଏନାହିଁ । ଏଣୁ ଭୋଜନ ପୂର୍ବରୁ ବେଲ୍ଟକୁ ସାମାନ୍ୟ ଢିଲା କରିବା ଉଚିତ ।
ଏକ ସର୍ବେକ୍ଷଣ ଅନୁସାରେ, ପ୍ରାୟ ୨୨% ଲୋକେ ଟାଇଟ୍ କରି ବେଲ୍ଟ ପିନ୍ଧୁଥିବା କାରଣରୁ ସେମାନଙ୍କର ଅମ୍ଳ ସମସ୍ୟା ଉପୁଜିଥାଏ ।
ଏହା ସହ ଏପରି କରିବା ଦ୍ବାରା ପାଦର ହାଡ଼ ମଧ୍ୟ ଦୁର୍ବଳ ହେଉଥିବାର ପରୀକ୍ଷାରୁ ଜଣାପଡ଼ିଛି ।
ଅଣ୍ଟା ବିନ୍ଧା, ପାଦ ଘୋଳା ବିନ୍ଧା ମଧ୍ୟ ଏହି ଟାଇଟ୍ ବେଲ୍ଟ କାରଣରୁ ହୋଇଥାଏ।
