୨୦୧୪ରେ ରୋମାଣ୍ଟିକ୍-ଥ୍ରିଲର୍ ‘ଏକ୍ ଭିଲିଆନ୍’ ଚଳଚ୍ଚିତ୍ର ମୁକ୍ତିଲାଭ କରିଥିଲା। ପ୍ରଥମଥର ସିଦ୍ଧାର୍ଥ ମଲହୋତ୍ରା-ଶ୍ରଦ୍ଧା କପୁରଙ୍କ ଯୋଡ଼ି ଏଥିରେ ଆସିଥିଲେ। ଦର୍ଶକ ମହଲରେ ପ୍ରଶଂସିତ ହେବା ସହ ବକ୍ସ ଅଫିସରେ ହିଟ୍ ଯୋଡ଼ି ସାବ୍ୟସ୍ତ ହୋଇଥିଲା। ନିର୍ଦେଶକ ମୋହିତ୍ ସୁରି ୪ ବର୍ଷ ପରେ ଏହାର ଦ୍ବିତୀୟ ଭାଗ ନିର୍ମାଣ କରିବାକୁ ନିଷ୍ପତ୍ତି ନେଇଛନ୍ତି। ଏଥରକ ନାୟକ ଭାବେ ସିଦ୍ଧାର୍ଥ ଓ ତାଙ୍କ ଯୋଡ଼ି ଭାବେ କ୍ରୀତି ଶାନନଙ୍କୁ ଦେଖିବାକୁ ମିଳିବ। ଦୁହେଁ ପ୍ରଥମଥର ଏକତ୍ର କାମ କରିବେ। କ୍ରୀତି ‘ବରେଲି କି ବର୍ଫି’ରେ ଦମଦାର ଅଭିନୟ ପ୍ରଦର୍ଶନ କରିବା ପରେ ହିଁ ନିର୍ଦେଶକ ମୋହିତ୍ ତାଙ୍କୁ ଏହି ପ୍ରସ୍ତାବ ଦେଇଥିଲେ। ଭଲ କାହାଣୀ ଦେଖି କ୍ରୀତି ଅବା ସୁଯୋଗ ହାତଛଡ଼ା କାହିିଁକି କରିଥାନ୍ତେ? ଏକ୍-ଭିଲିଆନ୍-୨ର ଦ୍ବିତୀୟ ଭାଗରେ ଖଳନାୟକ ଭାବେ ଅଜୟ ଦେବଗନଙ୍କୁ ନେବା ନିମନ୍ତେ କଥାବାର୍ତ୍ତା ଚାଲିଛି। ତେବେ ସମୟ ଅଭାବ କାରଣରୁ ଅଜୟ ଏବେ ପର୍ୟ୍ୟନ୍ତ ସମ୍ମତି ଜଣାଇ ପାରିନାହାନ୍ତି। ସ୍କଟଲାଣ୍ଡରେ ଏହାର ସୁଟିଂ ହେବାକୁ ଯୋଜନା ଥିବାବେଳେ ଜୁଲାଇ ଦ୍ବିତୀୟ ସପ୍ତାହ ବେଳକୁ ଏସବୁ କାମ ଆରମ୍ଭ ହେବାର ଯୋଜନା ରହିଛି।
Popular Categories
Previous article
Next article