ବ୍ରହ୍ମପୁର: ପୁଲିସ ଏନକାଉଣ୍ଟରରେ ଦୁର୍ଦ୍ଦାନ୍ତ ଅପରାଧୀ ବୁଚି ପାତ୍ର ଆହତ ହୋଇଛି । ଗଞ୍ଜାମ ଜିଲା ପୋଲସରା କାକୁଡ଼ିଆ ଜଙ୍ଗଲରେ ପୁଲିସ ଆଜି ସକାଳ ୬ଟାରେ ପୁଲିସ ଏନକାଉଣ୍ଟର କରିଥିଲା। ଏନକାଉଣ୍ଟର ବେଳେ ପୁଲିସ-ବୁଚି ପାତ୍ର ଓ ତାର ସହଯୋଗୀ ମୁହାଁମୁହିଁ ହୋଇଥିଲେ। । ପୁଲିସ ଗୁଳିରେ ବୁଚି ପାତ୍ର ଗୁରୁତର ହୋଇଛି ଏବଂ ପୋଲସରା ମେଡ଼ିକାଲରେ ଭର୍ତ୍ତି କରାଯାଇଛି । ତାର ଅନ୍ୟ ଦୁଇ ସହଯୋଗୀ ଲିପୁ ଓରଫ ଅଜିତ ନାୟକ ଓ ପଣ୍ଡା ଓରଫ ଅକ୍ଷୟ ନାୟକଙ୍କୁ ମଧ୍ୟ ପୁଲିସ କାବୁ କରିବାରେ ସଫଳ ହୋଇଛି ।
ଏନକାଉଣ୍ଟର ବେଳେ ଦୁର୍ଦ୍ଦାନ୍ତ ଅପରାଧୀ ବୁଚିର ଦୁଇ ଗୋଡ଼ରେ ଗୁଳି ବାଜିଥିବା ବେଳେ ଅନ୍ୟ ଦୁଇ ସହଯୋଗୀ ସାମାନ୍ୟ ଆହତ ହୋଇଥିବା ଜଣାପଡିଛି। ସେମାନଙ୍କୁ ମଧ୍ର ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରୁ ଗୋଟିଏ ମାଉଜର, ୨ଟି ଗୁଳି ଏବଂ ବାଇକ୍ ପୁଲିସ ଜବତ କରିଛି । ସେମାନଙ୍କ ନାମରେ ବିଭିନ୍ନ ଥାନାରେ ୩୦ରୁ ଅଧିକ ଅପରାଧିକ ମାମଲା ରହିଥିବା ପୁଲିସ ସୂତ୍ରରୁ ପ୍ରକାଶ ।
