ବେଆଇନ କଳା ମୁଗୁନି ପଥର ଚାଲାଣ ଅଭିଯୋଗରେ ଡମ୍ପର ଓ ଟ୍ରାକ୍ଟର ଜବତ

ଖୁଣ୍ଟା : ମୟୁରଭଞ୍ଜ ଜିଲା ଖୁଣ୍ଟା ବ୍ଲକ୍ ଅନ୍ତର୍ଗତ ଡୁକୁରା ବନ ବିଭାଗ ଦ୍ଵାରା ବେଆଇନ ଭାବେ କଳା ମୁଗୁନି ପଥର ଚାଲାଣ କରୁଥିବା ଡମ୍ପର ଓ ଟ୍ରାକ୍ଟରକୁ ଗୁରୁବାର ଜବତ କରାଯାଇଛି।

ଆଜି ସକାଳେ ଗୁଣ୍ଡିହୁଡ଼ି ଖଦାନରୁ ପଥର ବୋଝେଇ କରି ନେଉଥିବା ଏହି ଟ୍ରାକ୍ଟରକୁ ଶିରିଶବଣି ନିକଟରେ ଜବତ କରାଯାଇଛି। ସେହିପରି ବୁଧବାର ରାତିରେ ଡମ୍ପରଟି ଗଭେଇ ଖଦାନରୁ ପଥର ବୋଝେଇ କରି ନେଉଥିବା ବେଳେ ତାକୁ ଗଭେଇ ଛକ ନିକଟରେ ଜବତ କରାଯାଇଥିଲା। ଉଭୟ ଗାଡିକୁ ଡୁକୁରା ରେଞ୍ଜ କାର୍ଯ୍ୟାଳୟରେ ରଖାଯାଇଛି।