ଧାମରା: ଧାମରାରେ ଥିବା ଉପ ଡାକଘର କାର୍ଯ୍ୟାଳୟରେ ଲିଙ୍କ୍ ଫେଲ ହେତୁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ଗ୍ରାହକ। ପ୍ରାପ୍ତ ଖବର ଅନୁଯାୟୀ ଗତ ୧୧ ତାରିଖରୁ ଧାମରା ଉପ ଡାକଘର ଅଫିସରେ ଲିଙ୍କ୍ ଫେଲ ହୋଇ ଯାଇଛି। ଦୀର୍ଘ ଦିନ ହେବ ଏହି ଲିଙ୍କ୍ ଫେଲ ହୋଇଥିବା ବେଳେ ବିଭାଗୀୟ ଅଧିକାରୀ ଏଥିପ୍ରତି ଦୃଷ୍ଟି ଦେଉ ନାହାନ୍ତି ବୋଲି ଗ୍ରାହକ ମାନେ ଅଭିଯୋଗ ଆଣିଛନ୍ତି।
ଏଠାରେ ଉଲ୍ଲେଖଯୋଗ୍ୟ ଧାମରା ଉପ ଡାକଘର ଅଧିନରେ ଦୋସିଙ୍ଗା, କଇଥଖୋଲା, କିଶୋରପ୍ରସାଦ ନରିସହପୁର ହାଟ ଏବଂ ସରସ୍ୱତୀ ବ୍ରାଂଚ ଡାକଘର ଯାଉଥିବା ବେଳେ ବାଂଶଡା, ଧାମରା, ଜାଗୁଳା, କଇଥଖୋଲା, ଦୋସିଙ୍ଗା ପଂଚାୟତବାସୀ ନିର୍ଭରଶୀଳ। ଏଥିସହ ଧାମରା ବନ୍ଦର କର୍ତୁପକ୍ଷ ମଧ୍ୟ ଧାମରା ଉପ ଡାକଘର ଅଫିସ ମଧ୍ୟରେ ନିର୍ଭରଶୀଳ। ଦୀର୍ଘ ଦିନ ହେବ ଲିଙ୍କ୍ ଫେଲ ଯୋଗୁ ଏହି ଉପ ଡାକଘର ଅଫିସରେ ସମସ୍ତ ବ୍ୟବସାୟିକ କାରବାର ଏକ ପ୍ରକାର ବନ୍ଦ ହୋଇ ଯାଇଛି। ତୁରନ୍ତ ଏହାର ମରାମତି କରିବାକୁ ଅଂଚଳବାସୀ ଦାବୀ ଜଣାଇଛନ୍ତି। ଅନ୍ୟ ପକ୍ଷରେ ଭଦ୍ରକ ପୋଷ୍ଟାଲ୍ ସୁପରିଟେଣ୍ଡେଣ୍ଟ ବିଜୟ ମହାନ୍ତି ନିଜ ପ୍ରତିକ୍ରିୟାରେ ସାରା ଓଡିଶାରେ ପୋଷ୍ଟାଲ୍ ବିଭାଗ ଭାରତୀୟ ସଂଚାର ନିଗମ ଅଥବା ଏୟାରଟେଲ ଉପରେ ଏହି ଲିଙ୍କ୍ ପାଇଁ ନିର୍ଭର କରିଥାନ୍ତି। ତେଣୁ ବିଭାଗୀୟ ଅଧିକାରୀ ଭାବେ ସେ ଏହି ଅସୁବିଧା ବିଷୟରେ ଉପରିସ୍ଥ ଅଧିକାରୀଙ୍କୁ ଅବଗତ କରାଇଛନ୍ତି। ବିଭାଗୀୟ ଅଧିକାରୀ ତୁରନ୍ତ କାର୍ଯ୍ୟନୁଷ୍ଠାନ ନେଇ ଲିଙ୍କ ସଚଳ କରାଇବେ ବୋଲି ଆଶାବାଦୀ।
ଦେଖନ୍ତୁ ଭିଡିଓ ; ପିଞ୍ଜରା ଭିତରେ ଥିଲା ମାଙ୍କଡ, ପିଲାଟି କଲା ଏମିତି, ଆଉ ତା’ପରେ..
