ଭବାନୀପାଟଣା : ସରକାର ଙ୍କ ଜବରଦଖଲ ଉଛେଦ ବିଜ୍ଞପ୍ତି କୁ ପ୍ରତ୍ୟାହାର ତଥା ବସ୍ତି ବାସିନ୍ଦା ଙ୍କୁ ପଟ୍ଟା ପ୍ରଦାନ ଦାବିରେ ହଜାର ହଜାର ବସ୍ତି ବାସିନ୍ଦା କଳାହାଣ୍ଡି ଜିଲ୍ଲାପାଳ ଙ୍କ ଅଫିସ ଘେରାଉ କରିଛନ୍ତି । ଭବାନୀପାଟଣା ସହରର ବନ୍ଦୋବସ୍ତ କରାଯିବାକୁ ସେମାନେ ଦାବି କରିଥିଲେ। ବର୍ଷା ସତ୍ବେ ଦାବିପତ୍ର ଗ୍ରହଣ କରିବାକୁ ସରକାରୀ ଅଧିକାରୀ ମଞ୍ଚକୁ ଆସିବାକୁ ବାଧ୍ୟ ହେଇଥିଲେ। ଭବାନିପାଟଣା ସହରରେ ହଜାର ହଜାର ଲୋକ ଦୀର୍ଘ ବର୍ଷ ଧରି ସରକାରୀ ଜମି ରେ ବସବାସ କରିଆସୁଛନ୍ତି। ବେସରକାରୀ ଭାବେ ସହରରେ ପ୍ରାୟ ୫୨ ଟି ବସ୍ତି ଥିବା ଜଣାପଡିଛି। ତେବେ ନଗରପାଳିକା ଅଞ୍ଚଳରେ ଡ୍ରୋନ ସର୍ଭେ ରେ ୨୯ ଟି ବସ୍ତି ର ୧୭୬୨ ଜଣ ଲୋକଙ୍କୁ ଜାଗା ମିଶନ ଜରିଆରେ ପଟ୍ଟା ଦିଆଯାଇଥିବା ସୂଚନା ମିଳିଛି। ତେବେ “ଯେଉଁଠି ଅଛୁ ସେହି ଜାଗାର ପଟ୍ଟା ” ପାଇଁ ଲୋକେ ଦୀର୍ଘ ବର୍ଷରୁ ଦାବି କରିଆସୁଛନ୍ତି। ନିର୍ବାଚନ ପାଖେଇ ଆସିଲେ ରାଜନୈତିକ ଦଳ ଗୁଡ଼ିକ ବସ୍ତି ବାସିନ୍ଦା ଙ୍କୁ ପଟ୍ଟା ପାଇଁ ପ୍ରତିଶ୍ରୁତିରେ ପୋତି ପକାନ୍ତି। ଆଉ ନିର୍ବାଚନ ସରିଗଲେ ପୁଣି ଯେଉଁ ଅବସ୍ଥା କୁ ସେଇ ଅବସ୍ଥା। ତେବେ ସଂପ୍ରତି ନୂତନ ସରକାର ଙ୍କ ଜବରଦଖଲ ଉଚ୍ଛେଦ ନୀତି ନିଆଁ ରେ ଘିଅ ଭଳି କାମ କରିଛି। ଏଣୁ ଏହି ନୀତିରେ ବସ୍ତି ବାସିନ୍ଦା କଳାହାଣ୍ଡି ଜିଲ୍ଲାପାଳ ଙ୍କ କାର୍ଯ୍ୟଳୟ ଆଗରେ ବିରାଟ ସମାବେଶ କରିଥିଲେ।
ଜନମ ମାଟି ସୁରକ୍ଷା ସଂଗ୍ରାମ ସମିତି ଆନୁକୁଲ୍ୟରେ ଆୟୋଜିତ ଏହି ସମାବେଶରେ ସହରର ବିଭିନ୍ନ ବସ୍ତି ର ବାସିନ୍ଦା ସାମିଲ ହୋଇଥିଲେ। ସମିତି ଆବାହକ ବିଜୟ ସାହୁ ଙ୍କ ଅଧ୍ୟକ୍ଷତାରେ ଆୟୋଜିତ ଏହି ସମାବେଶ ରେ ସାମନ୍ତ ଖମାରୀ, ବଦ୍ରି ପଟ୍ଟନାୟକ, ତ୍ରିଲୋଚନ ପାଣିଗ୍ରାହୀ, ଦାମୋଦର ବେହେରା, ମନୀନ୍ଦ୍ର ମହାନ୍ତି, ଗିରିଧାରୀ ପାତ୍ର, ସରୋଜ ବାଗ, ସୁକାନ୍ତି ସରାଫ ପ୍ରମୁଖ ଶତାଧିକ ଆନ୍ଦୋଳନକାରୀ ଉଦବୋଧନ ଦେଇ ଭିଟାମାଟି ନ ଛାଡ଼ିବାକୁ ଆହ୍ଵାନ ଦେଇଥିଲେ। କାର୍ଯ୍ୟକ୍ରମ ଶେଷ ପର୍ଯ୍ୟାୟରେ ବର୍ଷା ସତ୍ତ୍ୱେ ଆନ୍ଦୋଳନକାରୀ ମାନେ ସଭାସ୍ଥଳ ଛାଡି ନଥିଲେ। ପରେ ଏହି ମର୍ମରେ ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଥିଲା। ବର୍ଷା ସତ୍ବେ ସହକାରୀ ଜିଲ୍ଲାପାଳ ନିରଜ କୁମାର ଭତ୍ରା ମଞ୍ଚକୁ ଆସି ଆନ୍ଦୋଳନକାରୀ ଙ୍କ ଠାରୁ ଦାବିପତ୍ର ଗ୍ରହଣ କରିଥିଲେ। ତେବେ ରାଜ୍ୟ ସରକାର ତୁରନ୍ତ ବିଜ୍ଞପ୍ତି ପ୍ରତ୍ୟାହାର ନକଲେ ଆଗକୁ ଏହି ଆନ୍ଦୋଳନ କୁ ଜିଲ୍ଲା ବ୍ୟାପି କରାଯିବ ବୋଲି ସମିତି ଚେତାବନୀ ଦେଇଛି।
Comments are closed.