ସମାଜ ଡିଜିଟାଲ ଡେସ୍କ: ଗୁରୁବାର ସକାଳ ୯ଟା ୫୧ମିନିଟ ଶୁଭ ମୁହୂର୍ତ୍ତରେ ଖୋଲିଛି ଭିତର ରତ୍ନଭଣ୍ଡାର । ରତ୍ନଭଣ୍ଡାର ତଦାରଖ କମିଟିର ୧୧ଜଣିଆ ଅଧିକୃତ ସଦସ୍ୟ ପ୍ରବେଶ କରିଛନ୍ତି । ପୁରୀରେ ପହଞ୍ଚିବା ପରେ ଶ୍ରୀନଅରରୁ ବାହାରି ଦକ୍ଷିଣ ଦ୍ୱାର ଦେଇ ଶ୍ରୀମନ୍ଦିରକୁ ପ୍ରବେଶ କରିଥିଲେ । ପରେ ଭିତର ରତ୍ନଭଣ୍ଡାରକୁ ଯାଇଛନ୍ତି ଗଜପତି ମହାରାଜା ଦିବ୍ୟସିଂହ ଦେବ । ଗତଥର ଗଜପତି ମହାରାଜାଙ୍କ ପ୍ରତିନିଧି ଉପସ୍ଥିତ ରହିଥିଲେ । ଏଥର ପ୍ରତିନିଧି ଉପସ୍ଥିତ ରହିବା ସହ ଗଜପତି ମହାରାଜା ନିଜେ ଉପସ୍ଥିତ ରହିଛନ୍ତି । ରତ୍ନଭଣ୍ଡାରରେ କେତେ ଅଳଙ୍କାର ରହିଛି ତାହା ଗଣତି ମଣତି ଗଜପତିଙ୍କ ଉପସ୍ଥିତିରେ କରାଯିବ ।
Comments are closed.