ନୂଆଦିଲ୍ଲୀ : ସାମସଙ୍ଗ ନିଜ ନୂଆ ସ୍ମାର୍ଟଫୋନ ବଜାରକୁ ନେଇଆସିଛି । ଏହା ଗାଲାକ୍ସି ଏମ-ସିରିଜର ଏମ ୩୫ । ଏହି ସ୍ମାର୍ଟଫୋନ୍ ବଡ ବ୍ୟାଟେରୀ, ୧୨୦ ହର୍ଜ ରିଫ୍ରେଶ୍ ରେଟ୍ ବିଶିଷ୍ଟ ଆମୋଲେଡ୍ ଡିସପ୍ଲେ ଓ ଗ୍ୟାଲେକ୍ସି ଓ୍ବାଲେଟ୍ ଭଳି ଫିଚର୍ସ ସହିତ ଆସିଥାଏ । ଫୋନରେ ଏନଏଫସିର ମଧ୍ୟ ସପୋର୍ଟ ମିଳିଥାଏ ।
ସାମସଙ୍ଗର ଏହି ଫୋନ୍ ମିଡ୍ ରେଞ୍ଜ ବଜେଟରେ ଆସିଥାଏ । କମ୍ପାନୀ ଏହାକୁ ୩ କନଫିଗ୍ରେସନରେ ଲଞ୍ଚ୍ କରିଥିଲା । ଏହା ସହିତ ବ୍ରାଣ୍ଡ୍ ଏଥିରେ ବ୍ୟାଙ୍କ ରିହାତି ଏବଂ ଅନ୍ୟ ଅଫର ମଧ୍ୟ ଦେଉଛି । ଫୋନରେ ୬.୬ ଇଞ୍ଚର ସୁପର ଆମୋଲେଡ୍ ଡିସପ୍ଲେ ମିଳିବ ଯାହା ଫୁଲଏଚଡି ପ୍ଲସ୍ ରିଜୋଲ୍ୟୁସନ, ୧୨୦ ହର୍ଜ ରିଫ୍ରେଶ୍ ରେଟ୍ ସପୋର୍ଟ ଓ ୧୦୦୦ ନିଟ୍ସର ପିକ୍ ବ୍ରାଇଟନେସ୍ ସହିତ ଆସିଥାଏ । ସ୍କ୍ରିନର ପ୍ରୋଟେକ୍ସନ ପାଇଁ ଗରିଲା ଗ୍ଲାସ୍ ଭିକ୍ଟସ ପ୍ଲସର ବ୍ୟବହାର କରାଯାଇଛି ।
ଏଥିରେ ୮ ଜିବି ରାମ୍ ଓ ୨୫୬ ଜିବି ଷ୍ଟୋରେଜ୍ ମିଳିବ । ଫୋନରେ ରିୟର କ୍ୟାମେରା ସେଟଅପ୍ ମିଳିବ ଯାହାର ପ୍ରାଇମେରୀ ଲେନ୍ସ ୫୦ ଏମପି । ଏହା ବ୍ୟତୀତ ୮ ଏମପିର ଅଲ୍ଟ୍ରା ଓ୍ବାଇଡ୍ ଏବଂ ୨ ଏମପିର ମାକ୍ରୋ ଲେନ୍ସ ମିଳିବ । ଫ୍ରଣ୍ଟରେ ୧୩ ଏମପିର କ୍ୟାମେରା ଲେନ୍ସ ରହିଛି । ଏହାର ୬ ଓ ୧୨୮ ଜିବି ଭେରିଏଣ୍ଟର ଦାମ୍ ୧୯,୯୯୯ ଟଙ୍କା ଥିବାବେଳେ ୮ ଜିବି ଓ ୧୨୮ ଜିବି ଷ୍ଟୋରେଜ୍ ଭେରିଏଣ୍ଟର ଦାମ୍ ୨୧,୪୯୯ ଟଙ୍କା ରହିଛି । ସେହିଭଳି ୮ ଓ ୨୫୬ ଜିବି ଭେରିଏଣ୍ଟର ଦାମ୍ ୨୪,୪୯୯ ଟଙ୍କା ରଖିଛି କମ୍ପାନୀ । ଏହାକୁ ଗ୍ରାହକ ଆମାଜନ ଓ ସାମସଙ୍ଗର ଓ୍ବେସାଇଟରୁ କ୍ରୟ କରିପାରିବେ ।
କାଲିଠୁ କଳାବ୍ୟାଜ୍ ପିନ୍ଧି ପ୍ରତିବାଦ, ସମାଧାନ ନହେଲେ ୨୪ରୁ ଆନ୍ଦୋଳନ
Comments are closed.