ପିପିଲି : ପିପିଲି ନିକଟବର୍ତ୍ତୀ ଦାଣ୍ଡମୁକୁନ୍ଦପୁର ବଜାରରେ ଭୟଙ୍କର ଅଗ୍ନିକାଣ୍ଡ। ନିଆଁ ଲାଗି ଜଳିଯାଇଛି ୧୦ ଦୋକାନ ଘର। ଶନିବାର ବିଳମ୍ବିତ ରାତିରେ ଏହି ଅଗ୍ନିକାଣ୍ଡ ଘଟିଛି। ବର୍ତ୍ତମାନ ପର୍ଯ୍ୟନ୍ତ ଅଗ୍ନିକାଣ୍ଡର କାରଣ ଜଣାପଡିନଥିବାବେଳେ ସର୍ଟ ସର୍କିଟ୍ ଯୋଗୁଁ ନିଆଁ ଲାଗିଥିବା ଅନୁମାନ କରାଯାଉଛି। ରାତି ପ୍ରାୟ ସାଢେ ୧ଟା ସମୟରେ ଦାଣ୍ଡମୁକୁନ୍ଦପୁର ବଜାରରେ ଥିବା ଏକ ଦୋକାନ ରେ ହଠାତ୍ ଅଗ୍ନିକାଣ୍ଡ ଘଟିଥିଲା। ଦେଖୁ ଦେଖୁ ଏହା ୯ଟି ଦୋକାନକୁ ବ୍ୟାପିଯାଇଥିଲା। ଖବର ପାଇ ସାକ୍ଷୀଗୋପାଳ ଏବଂ ଡେଲାଙ୍ଗ ରୁ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁ କୁ ଆୟତ କରିଥିଲେ। ଏହି ଅଗ୍ନିକାଣ୍ଡରେ ଗଜେନ୍ଦ୍ର ପ୍ରଧାନ, ପ୍ରକାଶ ବେହେରା, ଶଙ୍କର୍ଷଣ ଦାସ, ଉପେନ୍ଦ୍ର ପ୍ରଧାନ, ବାବନ ସାହୁ, ବସନ୍ତ ପ୍ରଧାନ, ନିରଞ୍ଜନ ମିଶ୍ର, ଭିକାରୀ ମହାପାତ୍ର ଙ୍କ ଦୋକାନ ସମେତ ଅନ୍ୟ ୨ ଟି ମାଛ ଦୋକାନ ଜଳିପୋଡ଼ି ପାଉଁଶ ହୋଇଯାଇଛି । ଏଥିରେ ମୋଟ ୧୦ ଲକ୍ଷରୁ ଅଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିବାର ଅନୁମାନ କରାଯାଉଛି। ପିପିଲି ବିଧାୟକ ଆଶ୍ରିତ ପଟ୍ଟନାୟକ ଆଜି ସକାଳେ ଘଟଣାସ୍ଥଳରେ ପହଞ୍ଚି ଅଗ୍ନିବିପନ୍ନ ବ୍ୟବସାୟୀଙ୍କୁ ଭେଟି ସମବେଦନା ଜଣାଇଛନ୍ତି।
Comments are closed.